Reportajen David da Costa
Estudante Universidade Oriental Timor-Leste (UNITAL) hamutuk ho Movimentu Universitariu Timor-Leste (EUTL) fó ultimatu bá Prezidnete Tribunál Rekursu (PTR) Afonso Carmona atu deklara ona konsttusionalidade ba Lei Pensaun Mensal Vitalisia (LPMV) iha dentru fulan ida nia laran.
Porta voz, Universidade Oriental Timor-Leste (UNITAL), Jamito Maia da Cruz, hatete, estudante sira kontinua eziste hodi ezije povu nia direitu, nune’e elite-burgezia atual hala’o de’it misaun lolo’os, tu’ir vontade ema hotu ninian, maibé hare’e bá situasaun rai laran ohin-loron, buat hotu oin-seluk, entaun difisil teb-tebes atu to’o iha objetivu Estadu ida moris di’ak.
Tanba ne’e estudante universidade UNITAL hamutuk ho inan-aman hotu-hotu no kamadas sosiais tomak hakribi ona Lei Pensaun Mensal Vitalisia, Tribunál Rekursu tenke salva $5 milloens kada tinan, entaun tenke pronunsia konsitusionalidade no labele bafa ka budu demais.
“Atu alerta ba Publiku katak, Tribunál Rekursu labele deklara inkonstituisionalidade ba lei refere, mak dentru fulan ida, ami baze UNITAL hamutuk ho EUTL no kamadas sosiais tomak fó ultimatu bá Tribunál Rekursu deklara ona konsttusionalidade ba LPMV,” dehan Porta voz, Universidade Oriental Timor-Leste, Jamito Maia da Cruz, liuhusi konferensia Imprensa iha Kampus UNITAL, Sexta 30/01.
Nia haktuir, maibé Prezidente Tribunál Rekursu maka kontinua ulun to’os aliás lakoi rona povu, maka Estudante no Movimentu sira sei tu’un dala ida hodi halo manifestasaun no prontu simu sá konsekuensia saida de’it husi aparellu estadu nian.
“Tanbá Tribunál Rekursu desrespeita ami nia ezijénsia ke tu’ir lolo’os fasil tebes atu deklara tu’ir povu nia interese hodi salva $5 milloens kada tinan. entaun tenke hamo’os ona lei diskriminatóriu ida ne’e,”nia subliña.
Nia salienta, tanba tuir estudante ho movimentu EUTL no povu maubere konsiente katak, lei refere la refleteona ba povu maioria nia moris, maibé fó bokur deit ba elite minoria sira iha dékada ida resin iha estadu ida ne’e.
Atu fó lembra fila fali katak Estudante ho Movimentu EUTL opta de’it esensia kampuz no prinsipiu kampuz kabe bá pillar akademiku tolu; estuda, peskiza no kontrolu sosial, katak dirije de’it povu nia sofrimentu perante sistema liberál no parlamentarizmu ne’ebé la kondisiona ba sosiedade Timór nia moris lor-loron.
Tanba ne’e estudante ho Movimentu ne’e eziste ho ezijénsia prinsipál no imediata ha’at (4) maka: Kansela sosa karreta ba deputadu 65, no hapara totál tradisaun sosa karreta luxuozu;Halakon totál lei pensaun mensál vitalísia ka habadak LPMV; Alterasaun ba Lei Liberdade Reuniaun no Manifestasaun ne’ebé impede ema-nia direitu atu hato’o ideia kontra podér públiku; Alokasaun OJE ba setór produtivu sira.
Estudante sira no kamadas sosiais tomak nia asaun manifestasaun no protestu sira mak konsege rezulta hodi kansela sosa kareta luxuoju no halakon LPMV, maibé liu-liu luta ba kestaun PMV seidauk to’o rohan. Tanbaiha oras ne’e iha ona orgaun soberania Tribunál Rekursu nia kompeténsia hodi halo desizaun ba lei revogasaun refere.
Tanba ne’e alerta ba maluk estudante sira seluk, traballadór, kiak-sidade, movimentu sosiál sira, sosiedade-sivil no povu maubere tomak hamutuk ho EUTL, atu nafatin fó vijilansia másima ba dinámika foun ne’e no senáriu sira tuir mai, karik Tribunál Rekursu maka deklara la tuir povu maubere nia aspirasaun.