Reportazen Francisco JDA
Bankada Congresu Nasionál Rekonstrusaun Timor (CNRT) hato’o deklarasaun relasiona ho konferensia Imprensa Partidu Plataforma tolu hanesan Partidu Libertasaun Popular (PLP), FRETILIN no KHUNTO ne’ebé hatete katak pozisaun banckada CNRT hahú desespero tanba lakon poder ba kaer ukun, nune’e tenta meiu oin-oin atu koko blokeia funsionamemtu estadu nian.
Liu hosi konfernesi imprensa Vise Xefe Bankada CNRT, Patricinio Fernandes hatete Bankada CNRT la iha intensaun atu blokeia governu ka impede Orsamentu Jeral Estadu (OJE), maibé bankada CNRT konsidera OJE 2021 viola regras konstituisionais no lei orsamentu jestaun finanseiru.
“Bankada CNRT submete fiskalizasaun abstrata ba OJE 2021, la’ós tanba desezpera ba ukun maibé Bankada CNRT defende konstituisionalidade no legalidade OJE 2021”, hateten Vise Xefi Bankada CNRT Iha Parlamentu Nasional, 19/01.
Vise Xefe Bankada CNRT reforsa tan relatoriu Komisaun A no C mós mensiona katak Orsamentu Jeral Estadu iha violasaun hasoru konstituisaun no valor lei forsado hanesan lei orsamentu jestaun finanseira
Iha Fatin hanesan deputada Bankada CNRT, Carmelita Moniz iha konferensia imprensa hateten katak, tuir CNRT nia hare OJE 2021 la priense kriteria ne’ebé hatur iha konstituisaun iha artigu 145 ne’ebé hatete OJE tenki kaer ba prinsipiu efisisensia no efikasia, “maibé ami hare katak ida ne’e akontese tanba preve fali $14 milloens ba Ro Haksolok katak ida ne’e la priense rekezitus efikasia no efisensia”.
To’o nutisia ne’e sae Neon Metin sedauk halo konfirmasaun ho parte bankada governu nian no VIII Governu Konstituisional.