Reportazen Zevonia Vieira
Liu hosi konferensian imprensa Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo informa katak Serka Sanitaria iha Munisipiu Covalima hapara ona, atividade iha Suai vila no postu administrativu sira hahu lao normal, eseptu Fatumea
Liu hosi konferensia imprensa iha CCD, Dr. Rui hatutan maibe eskola ho administrasaun públika foin maka bele hahú funsiona hirak iha segunda-feira oin mai.
Nia relata ohin iha Postu Administrativu Fatumea, deteta hikas pozitivu nain rua, ho CT entre 39 ho 42 –signifika iha ona faze rekuperasaun- husi kontaktu- besik nain rua, ne’ebé halo sira nia segundu teste. Ho nune’e, kazu iha Fatumea sae ba 15. Ekipa konjunta saúde sei nafatin buka-tuir kontaktu-besik husi kazu pozitivu sira iha Fatumea.
Total kazu em jeral kazu foun hamutuk 14, iha Dili total 12 no iha Fatumea nain , kazu rekuperadu zero no kazu ativu nain 65