Home Saude Detekta tan Kazu Foun COVID-19 Total 12 Iha Dili no Covalima 2,...

Detekta tan Kazu Foun COVID-19 Total 12 Iha Dili no Covalima 2, Total Ativu 65

1366
0
Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo. [Foto: Francisco JDA | 11.03.2021]

Reportazen Zevonia Vieira

Centro Integradu Jestaun Krize (CIJK) kontinua relata progresu ba kazu konfirmadu COVID-19, liu hosi contact tracing ne’ebe ekipa vijilansia halo durante ne’e, liu-liu iha Dili laran. Liu hosi konferensia imprensa Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo informa katak progresu atividade prevensaun no mitigasaun surtu COVID-19 hosi horseik no loron ohin, hosi amostra ne’ebé rekolla iha atividade buka-tuir kontaktu besik, iha tan kazu konfirmadu hamutuk 12 maka positivu no iha Fatumea – Covalima nain 2

Dr. Rui iha CCD, iha loron 11/03 esplika katak liu hosi kontaktu besik ne’ebe kazu pozitivu 1 kontaktu-besik husi kazu Bebonuk,  Pozitivu nain 8 kontaktu-besik husi kazu sira SEFOPE, pozitivu nain 2 kontaktu-besik ho kazu Ministerio Finansas & Ministériu Transportes e Comunicação,  pozitivu nain 1 iha aldeia 4 de Setembru, Tasi Tolu, Dili.

Ho nune’e, kazu detetadu ka pozitivu iha Dili hamutuk hotu nain 36, fahe ba foku/agrupamentu/cluster BTN II-Terra Santa, Suku Madohi iha kazu 6, aldeia Gólgota, Madohi kazu nain 3. Aldeia Lurumata, Suco Madohi iha kazu 2.  aldeia 4 Setembru-Comoro iha kazu 1, aldeia Fomento I, Suku Comoro iha kazu 3, aldeia 05, Suku Fatuhada iha kazu 3, Bebonuk iha kazu 2, Delta iha kazu 1, Ministériu Finansas iha kazu nain 3, SEFOPE iha kazu 9, Ministériu Transportes e Comunicação iha kazu 2 no Hospital Nacional Guido Valadares iha kazu 1.

Signifika hosi 36 kazus iha cluster hamutuk 12 hanesan instituisaun iha 4, Suku 4 iha Postu Administrativu D. Aleixo. Ho nune’e dadus jeral ba kazu foun iha nain 14, kazu rekuperadu sedauk iha no kazu ativu total 36.

Print Friendly, PDF & Email

LEAVE A REPLY

Please enter your comment!
Please enter your name here