Home Notisia Implikasaun Serka Sanitaria Ba Ema Vulneravel, FONGTIL: Tenke Asegura Ai-han

Implikasaun Serka Sanitaria Ba Ema Vulneravel, FONGTIL: Tenke Asegura Ai-han

569
0
FONGTIL halo konferensia imprensa . [Foto: copyright google | 11.03.2021]

Reportazen Francisco JDA

Organizasaun Naun Governamental Timor-Leste (FONGTIL) husu Ministeriu Turismo Comersiu Industria (MTCI) atu asegura nafatin ba ai han no nesesidade bázika sira,  nune’e labele menus tanba se serka sanitaria ne’e governu prolonga tan, sei implika ba ema vulneravel sira liuliu estudante sira ne’ebé hosi foho mai kos no eskola iha Dili.

Tuir Diretor Exekutivu FONGTIL, Daniel dos Santos ba jornalista sira hateten, populasaun sei sofre liu bainhira importasaun la tama entaun FONGTIL husu governu MTCI atu asegura nafatin nesesidade bázika nune’e labele menus

“Ha’u hatene ita nia populasaun foin simu sexta bázika ne’ebé oituan sei iha, mas ita nia problema mak estudante sira ne’ebé mai hosi foho iha ne’e, sira kos entaun se serka sanitariu ne’e dada naruk bele implika ba sira menus ai han iha uma laran, entaun ita hanoin katak enkoraza sira se karik hasoru problema hanesan ne’e bele relata ba suku no aldeia ou bele mai iha centro informasaun impaktu COVID-19 FONGTIL, atu uza sira nia informasaun ne’e bele ko’alia ba Ministeriu kompentente liuliu CNL no MTCI atu fo resposta ba problema ne’e”, hateten Diretor Executivu FONGTIL Daniel dos Santos, iha FONGTIL Kaikoli, 11/03

Daniel dos Santos realsa liu tan FONGTIL sei  sensibiliza  ka eduka populasaun atu labele aproveita oportunidade iha situasaun difisil, maibé sira ne’ebé merese atu governu asegura mak ema ne’ebé vulneravel, maibé serka sanitariu ne’e kontinua ka la kontinua depende ba númeru kazu.

“Ita mós evita la bele aproveita situasaun difisil ne’e, no aproveita situasaun ne’e la hamlaha mós dehan hamlaha ou rendimentu di’ak hela mós dehan la iha rendimentu, entaun ne’e ita atu hetan fali buat ruma iha situasaun difisil ne’e la dun di’ak”, hateten Daniel dos Santos

Print Friendly, PDF & Email

LEAVE A REPLY

Please enter your comment!
Please enter your name here