Reportajen David da Costa Gusmao
Diretora Ezekutivu Community Based Rehabilitation Network Timor-Leste (CBRNTL), Norberta Soares Dehan, CBRNTL hetan fiar husi UN Women Timor-Leste, atu haree konaba programa sira ne’ebé governu implementa ona, liuliu programa Protesaun Sosiál no Rekuperasaun Ekonómia iha situasaun pandemia Covid-19 iha Timor-Leste, oinsa feto ho labarik feto, noo difesensia sira ninia asesu ba iha programa sira ne’e.
Nia dehan governu iha lei, polítika, mekanizmu no estratéjia atu asegura feto, labarik feto ho ema difesensia sira atu asesu ba iha programa protesaun sosiál, no mós rekuperasaun ekonómia iha situasaun pandemia Covid-19 iha Timor-Leste, maibe husi programa hirak ne’e seidauk bele fó benefísiu ba sira.
“Ami hetan informasaun husi parte ne’ebe la hanesa, liuliu feto ho labarik feto ho ema defisiénsia sira, katak sira seidauk hetan benefisiu diak husi programa protesaun sosiál, no mós rekuperasaun ekonomia iha situasaun pandemia Covid-19, ne’ebe mak governu sira fahe osan kada uma kain, hetan $200 no fahe Sesta Bázika,” nia dehan ba jornalista sira iha Tower Fatuhada, Kuarta 1/12.
Reprezentante UN WOMEN iha Timor-Leste, Nuntana Tangwinit dehan UN Women kontinua apoiu grupu parseria sira, atu hare ba feto no labarik feto sira ho desénsia, atu asesu ba sira nia direitu, no hare môs konaba igualdade jéneru no sosiedade inkluzivu.
Nune’e UN Women sei halo empoderamentu ba feto no labarik feto sira, liuliu ba sira ne’ebé mak ezkluidu husi atividade ekonómia nian, no mós atu livre husi violénsia, no atu hetan asesu ba polítika ne’ebé mak empodera feto no labarik feto sira hotu.
