Home Notisia Xanana La Partisipa Iha Enkontru Ho PR, Kalbuady: Ami Sedauk Iha Hanoin...

Xanana La Partisipa Iha Enkontru Ho PR, Kalbuady: Ami Sedauk Iha Hanoin Ba Buat Ruma

8586
0
Sekretariu Jeral partidu CNRT, Francisco Kalbuady. [Foto: Santina Lucia da Costa | 23.02.2020]

Reportazen Zevonia Vieira 

Relasiona ho Situasaun politika, hakarak ba eleisaun antesipa ou harii governu foun? “ami sedauk hanoin buat ruma no hatudu ami nia hanoin no rona ami sei rona lai hosi Prezidente da Republika nia hanoin uluk”. Kalbuady

Partidu CNRT hasoru malu ho Prezidente da Republika, Dr. Francisco Guterres Lú Olo iha palacio prezidensia, iha loron 23/01.

Hafoin remata enkontru Sekretariu Jeral partidu CNRT, Francisco Kalbuady ba jornalista sira hateten sente onra boot tanba Prezidente da Republika bolu partidu sira hodi mai rona Xefe estadu nia hanoin liga ho situasaun politika ne’ebe agora akontese.

“Tuir Konstituisaun haruka, ita hotu tenke tuir orientasaun hodi mai hasoru Prezideten da Republiku. Tuir saida ma kami ohin rona hosi Prezidente katak komsa ohin ba oin, nain Prezidente sei konvida partidu sira, sosiadade sivil, religiojus no sira seluktan, para atu buka solusaun ne’ebe mak hodi solusiona ba situasaun ida ne’e. Ami husu ba joven no povu hotu tenke hakmatek, ita hotu tenke rona Xefe Estadu nia orienstasaun no ita hotu tenke iha vontade hodi mai rona.”, hateten Kalbuady.

Iha enkontru ne’e Sekretariu Jeral CNRT, Francisco Kalbuady entrega karta hos Xanana Gusmao ba Prezidente da Republika.

Liga ho situasuan ne’ebe akontese depois de bankada CNRT la afavor ba Orsamentu Jeral Estadu 2020, hosi media Neon Metin husu pozisaun CNRT nian iha preferensia ba eleisaun antesipada ka harii governu nulu ka foun?

Hatan ba Neon Metin, Kalbuady hateten katak, “ami sedauk hanoin buat ruma no hatudu ami nia hanoin no rona ami sei rona lai hosi Prezidente da Republika nia hanoin uluk.

Iha enkontru ne’e Prezidente Partidu CNRT la marka prezensa iha palacio prezidensia hodi hasoru malu ho Prezidente da Republika.

 

LEAVE A REPLY

Please enter your comment!
Please enter your name here