Home EduTek Loron Mundial Siénsia no Matemátika, Harii Komunidade Ne’ebé Prontu Hasoru Mudansa Klimátika

Loron Mundial Siénsia no Matemátika, Harii Komunidade Ne’ebé Prontu Hasoru Mudansa Klimátika

146
0
komemora loron mundial siensia ho matematika. [Foto: Silvino | 01.12.2021]

Reportajen Silvino Freitas

Komisaun Nasionál Timor-Leste ba UNESCO, selebra loron Mundial Siénsia no Matemátika ba Paz no Dezenvolvimentu ho tema “Harii komunidade ne’ebé prontu hodi hasoru mudansa klimatika”.

Diretór Komisaun  Nasional Timor Leste ba UNESCO, Francisco Barreto dehan komemorasaun ba loron refere, monu iha loron 10 Novembru, maibe tanba enfrenta hela iha situasaun surtu COVID-19, nune’e selebra fali iha loron 30 Novembru.

Francisco dehan iha selebrasaun ne’e estudante sira mai husi ensinu baziku, sekundáriu no superior halo ona preparasaun ba tópiku siensia ho matematika ne’ebe mak sira aprezenta liuhusi espozisaun.

“Espozisaun ne’e ho obejtivu prinsipal mak atu promove siensia no matematika ba ita nia sosiedade no komunidade atu kompriende didiak kona ba ninia importansia,” informa Diretór Exekutivu Komisaun Nasional Timor Leste ba UNESCO Francisco Barreto, ba jornalista sira, iha salaun Ian-Martins INFORDEPE Balide, Tersa 30/11.

Iha fatin hanesan Estudante husi Eskola Sekundáriu Katolika Sao Pedro Comoro, Exisia Jesuína Freitas Guterres ne’ebé sai  hanesan manan nain iha espozisaun ne’e hateten, durante ne’e ami servisu  hamutuk hodi buka tópiku ne’ebé mak atrai partisipante sira, atu bele dezenvolve Timor  tuir nesesidade nasaun nian.

“Iha ami nia espozisaun ami foti topiku ne’ebé mak fo vantajen ba ita nia nasaun mak hanesan, dispensa-manuál ne’ebé mak la uza eletrisidade, maibe nia fo bee manas no malirin, hadia ita nia ambiente hanesan udan asidu ne’ebé fo desvantajen ba ita nia nasaun no ambiente, foos ne’ebé ita konsumu lor-loron, bele mos produz marmelada no ita la presiza tan produtu husi rai-liu” nia dehan.

Estudante ne’e rekomenda ba governu atu ajuda dezenvolve esperiénsia hirak ne’ebé mak sira hetan, liu-liu fabrika manual ne’ebé mak iha atu bele dezenvolve diak liu tan setór produsaun no la presiza sosa tan produtu sira husi estranjeiru.

Entretantu iha selebrasaun ne’e halao atividade sira hanesan espozisaun hodi halo pratika siensia no matematik husi grupu estudante manan sira. iha semináriu ne’e rasik hetan partisipasaun husi estudante ensinu sekundáriu, baziku sira iha Dili laran no Kasait, universidade, NGO Lokal no internasionál inklui governu.

Print Friendly, PDF & Email

LEAVE A REPLY

Please enter your comment!
Please enter your name here