Reportajen Filomena da Conceição
Aniversáriu Transformasaun FALINTIL ba Forsa Defeza Timor-Leste (F-FDTL) ba dala-22, Brigadeiru Jenerál F-FDTL Falur Rate Laek, hateten hanesan Forsa foun hatutan nafatin esperiénsia husi Falintil sira ne’ebé luta iha 24 anos nian, hodi ohin loron Timor-Leste hetan independensia.
“Ohin ita komemora XXII aniversariu transformasaun husi FALINTIL ba Forsa Defeza Timor-Leste (F-FDTL), ita nia forsa Armadas, ba libertasaun independensia Timor-Leste, hanesan FALINTIL hatutan sasin husi nia esperiénsia ba hetan libertasaun Nasionál, ba Forsa foun ida ne’ebé tuir kondisoens ba estadu livre independente no demokrátiku tenke hanesan Forsa regulares, konvensionais no profisionalismu” Dehan Falur iha ninia dikursu, iha Quartel Jenerál Fatuhada, kinta 2/02.
Nai afrima, Gerileiru ne’ebé integra iha forsa defeza foun, prova 24 anos entrega sira-nia moris tomak ba funu libertasaun, ne’ebé todan no naruk la halimar konfirma fo nafatin sira-nian kontribuisaun ba kontribuisaun ba kontrusaun dezenvolvimentu Forsa armadas nasaun nian. Sira halo ida ne’e ho dedikasaun ne’ebé hanesan uluk, integra tomak no defeza ba valores patriotikus, ne’ebé sai hanesan baze ba luta tempu sira uluk, patriotismu no nasionalismu, kualidade ba povu no ba sira nia líder koragem no obrigasaun.
Nia husu ba militar sira ne’e no ba veteranus sira hotu, ba kresimentu no dezenvolvimentu forsa Armadas nian, sira nia asaun no esperiénsia fundamentais teb-tebes ba enkuadramentu militár ba jerasaun foun ne’ebé iha iha tinan hirak nia laran oferese an servi militár fo dedikasaun no vontade tomak atu servi patria.
“Veteranus sira ninia dedikasaun ita hotu deve sira nia apoiu iha tempu sira ne’ebé ita hasoru krize barak ne’ebé ita hatene funu ultrapasa. Husi sira nia inisiativa harii F-FDTL ba durante tinan 20 lori Forsa Defeza ne’e hodi atravesa momentu sira ne’ebé di’ak no ladiak. Situasaun sira ne’ebé tenke foti desizaun sira ne’ebé difisil la halimar no marka diresayn iha dalan ne’ebé atu la’o tuir,” nia esplika.