Home Notisia AJTL Hato’o Paraser Ba PN, Halo Auto Defeza Ba Petisionariu nian Petisaun

AJTL Hato’o Paraser Ba PN, Halo Auto Defeza Ba Petisionariu nian Petisaun

1423
0
Vise Sekjen AJTL ho ekipa iha PN. [Foto: Francisco JDA | 14.01.2021]

Reportazen Francisco JDA

Asosiasaun Jornalista Timor Lorosa’e (AJTL) hato’o pareser ba Parlamentu Nasionál (PN) relasiona ho petisionariu sira nian petisaun ne’ebe kestiona konaba konferensia AJTL nian, hodi hili nia membru repzenta jornalista hodi ba tur iha Konsellu Imprensa.

Hafoin estrutura AJTL entrega pareser ba Parlamentu Nasional, ba jornalista sira Vice Sekretariu Jeral AJTL, Acacio Pinto hateten AJTL mantein nia pozisaun hodi halo auto defeza relasiona ho petisioner sira nia deklaraun ne’ebe kestiona konaba prosesu eleisaun AJTL nian, hodi hili nia reprezentante ba Konsellu Imprensa.

“Ami hanesan asosiasaun iha direitu mós atu halo auto defeza ba Parlamentu atu bele tetu didiak bainhira atu foti desizaun ho realidade no tuir duni lei ne’ebé mak iha, depois ami sei hein Komisaun A ne’ebé sei halo evaluasaun, ami prontu atu mai halo esplikasaun klean”, hateten Vise Secretaria Jerál AJTL Acasio Pinto iha PN, 14/01

Acacio Pinto afirma AJTL nia pozisaun firme, sekarik konferensia ne’e AJTL viola ka lae, ne’e konforme lei mak sei esplika no ema hotu halo tuir lei, tanba iha konferensia ne’e kongresista mak decide, estrutura la deside mesak.

Nia dehan tuir informasaun rona katak petisionariu  sira atu lori asuntu ne’e ba tribunal,  AJTL prontu koopera atu nune’e liberdade imprensa ne’e kontinua metin liu tan.

Relasona ho konteudu hosi pareser AJTL nian, Acacio hateten konteudu karta ne’e atu defende onra, tanba iha ne’ebá kestiona kona ba AJTL no reprezentante AJTL nia bá KI,  hanesan asosiasaun iha direitu fo defeza ba nia an, ba publikasaun ne’ebé media sira durante ne’e halo, tanba AJTL mós la hetan karta hosi petisionariu sira.

AJTL bazeia ba nia estatutu nudar giaun ida, hodi rekoñese ninia jornalista sira, estatutu AJTL Artigu 10 maka define nia membru.

Artigu 10 estatutu AJTL “Natureza membru AJTL nian nakloke ba individuu ka grupu jornalista ne’ebé hakunu rekízitu ne’ebé hatuur. Ida-ne’e inklui jornalista, kolumnis, editór, fotografu, operadór kamara, tekníku lian, aprezentadór, peskizadór, kartunis, blogger, layout designer, tantu fultime, no partime, mídia komunitáriu, eskritór independente, no artista gráfiku, freelance, no sira ne’ebé serbisu iha media mainstreaming ka mídia komunitáriu, tantu sira ne’ebé serbisu iha mídia imprime, rádiu divuzaun [rádiu no televizaun] nomós media online”

Tuir artigu ne’e ninia interpretasaun hermaneutica, artigu ida-ne’e ho karákter ampla, fó dalan ba membru hotu-hotu ne’ebé AJTL konsideradu hanesan membru, iha direitu de voto tuir estatutu AJTL nian. Nune’e, eleisaun ne’ebé AJTL realiza hodi hili nia membru ne’e legál no tuir duni estatutu AJTL nian.

Artigu 11 estatutu AJTL  nian mós define tipu membru 3, idividual, membru asosiasaun no membru onorariu.

Ezisténsia AJTL nian ne’e atu defende liberdade imprensa no espressaun tuir konstituisaun Artigu 40 no 41, nune’e AJTL nakloke ba sidadaun hotu ne’ebé mak iha ideolojia ‘Luta Ba Liberdade No Justisa’. Artigu ne’e mós fó biban ba fundadore sira AJTL nian ne’ebé la hala’o ona servisu jornalista mós iha direitu votu bazeia ba referidu artigu, iha artigu ne’e mós fó dalan ba ativista ne’ebé luta ba liberdade espresaun no demokrasia hodi espresa nia votu ba membru ne’ebé tuir nia iha abilidade.

Iha lei KOMSOS Artigu 17 kona-ba incompatibilidade, reprezentante jornalista ne’ebé hili iha loron 4 fulan Jullu, ho votus 221, la ativu iha qualquer atividade partidu polítiku no atividade seluk ne’ebé  lei KOMSOS restringe.

Reprezentante ne’ebé jornalista AJTL hili mós priénxe kritéria iha Artigu 4 númeru 1-2 iha regulamentu 2/2019, tanba reprezentante iha kapasidade jurdika no iha méritu iha área jornalistika no independente hodi promove liberdade imprensa no espresaun.

Enkuatu, jornalista sira ne’ebé mak la iha kartaun profisonál husi KI maibé vota, ida-ne’e bazeia ba konsensu husi forum ne’ebé liu husi vota ‘aklamasaun’ bazeia ba norma subsidiáriu tuir regulamentu Artigu 11 Dekretu Lei númeru 2/2019.

“Norma sira ne’ebé la temi iha regulamentu ida ne’e, sei deside
tuir artigu 8 regulamentu ida ne’e”

Matematikamente jornalista ne’ebé dadauk ne’e kaer hela karteira profisionál mak 199 no bainhira fahe ba rua, kada asosiasaun nia membru ne’ebé iha karteira profisionál mak 99. Signifika, númeru jornalista ne’ebé vota iha AJTL no TLPU barak-liu maka seidauk hetan karteira profisionál husi KI, inlkui sira balu ne’ebé asina petisaun. Tuir faktu no dadus iha KI nian portal www.conselhodeimprensa.tl, petisionáriu ne’ebé seidauk iha karteira profisionál mak Prezidente TLPU, Manuel Pinto nu’udar mós Prezidente Interinu Ajénsia Notisioza, Tatoli, Diretór Tempo Timor, Jose Antonio Belo, Jordao Henrique no seluk tan. Maske nune’e, ho aseitasaun forum nian iha tempu ne’ebá, sira hotuhotu vota.

Print Friendly, PDF & Email

LEAVE A REPLY

Please enter your comment!
Please enter your name here