Home Notisia Komunidade LGBTIQA+ Husu Timoroan Sira Respeita Sira nia Prezensa no Kontra Diskriminasaun

Komunidade LGBTIQA+ Husu Timoroan Sira Respeita Sira nia Prezensa no Kontra Diskriminasaun

2739
0
Komunidade LGBTI sira hato'o sira nia liamenon. [Foto: David | 30.07.2022]

Reportajen David da Costa Gusmao

Lesbian, Gay, Bisexual, Transgender, Intersex, Gueer/Qestioning, Asexual (LGBTIQA+) iha loron marsa pride husu ba komunidade sira, atu respeita sira nia prezensa iha komunidade nia leet, no labele halo diskriminasaun ba sira , tanba sira mós iha direitu atu moris iha sosiedade no nasaun ida.

Ricardo Soares nu’udar komunidade LGBTQ, dehan Unidade iha diversidade ne’e komunidade LGBTQ hotu iha unidade ba malu laiha diskrimisaun, atu nune’e ema hotu hatene katak Timor iha unidade no iha  diversidade ne’e LGBTQ mós iha diretiu hanesan  ho komunidade sira seluk.

“Unidade ne’e ami grupu LGBTQ ami hotu iha unidade ba malu laiha diskriminasaun ba malu, ita haree katak Timor ne’e iha unidade, atu nune’e ita lori ita nia nasaun Timor ne’e ba oin, iha divesidade ne’e ami iha direitu, laiha ema seluk maka atu koalia liafuan aat mai ami, tanba ami mós iha diretu moris iha nasaun ida ne’e,” Dehan Ricardo Soares ba jornalista neon Metin iha palásiu Prezidensiál Bairo Pite, Sexta 29/07.

Nia hateten kontente ho moris ida ne’e, tanba nia inan aman apoiu  no suporta hotu nia moris ne’e, “ hau kontente ho hau nia moris ne’e, tanba moris ne’e hau nia an duni, hau maka hala’o ne’ebeé ita maka hatene ita nian an muintu bem,”

“Hau nia mensajen ba komunidade no ba sosedade sira, atu repeita ami, tanba ami mos iha diretu moris iha nasaun ida ne’e,” nia hato’o mensajen ba ema hotu-hotu.

Nune’e mós Komunidade LGBTQ, Joker Da Silva, haktuir, unidade iha diversidade katak ema hotu-hotu tenke iha unidade no iha direitu atu espresa no moris livre iha nasaun ida nia laran.

“Tuir hau nia hanoin konaba unidade no divesridade, ami senti katak buat hotu libre ami bele espresa ami nia an iha nasaun ida, tanba durante ne’e buat hotu taka ba ami , mai agora dadauk ami senti katak buat hotu livre mai ami,” hateten  nia.

Nia hato’o lia menon ba komunidade hotu-hotu, ema umanu ne’ebe  presiza repeitu malu, lapresiza halo diskriminasaun, tanba ema hotu-hotu hanesan deit.

Entertantu Chiko Show mós hanesan komunidade LGBTQ, hateten,  ema moris mai lapresiza haree fila fali ba iha ras, kor maibe ema tenke iha unidade iha nasaun ida nian, atu nune’e livre hodi espresa sira nia an.

“Iha Unidade katak ita moris mai ita la lapresiza haree fila fali  saida maka ras no mós kor, ita tenke iha unidade iha fozisaun saida deit maka akontese iha ita nia rai Timor-Leste, iha diversidade ema hotu iha direitu no livre  espresa nian an, saida maka akontese ba iha nia vida” nia esplika.

 Nia dehan kontente ho mori ida ne’e, no  halo baut ne’ebe diferensa no la kria probelma ba iha sosedade nia lete, “ita moris livre husi ita nia hakarak, maibe importante maka ita  repeitu ema seluk no ita nia an rasik”.

Ho ida ne’e nia husu ba komunidade sira atu respeita mós komunidade LGBTQ iha nasaun ida ne’e, tanba iha nasaun ne’e, nasaun demokrasia.

Print Friendly, PDF & Email

LEAVE A REPLY

Please enter your comment!
Please enter your name here