Reportajen Adalgisa Pereira
Forum Organizasaun naun Governamentál Timor-Leste (FONGTIL) liuhusi konferénsia imprensa hodi relata rezultadu diálogu aberta, hataan ba polémika konsellu fiscal versaun extra ordináriu no konsellu fiscal 2017-2022 .
Iha rezultadu husi diálogu aberta iha 11 Janeiru ne’ebe partisipa husi ONG membru FONGTIL Konsellu Fiscal 2017-2022, kontinua eziste.
“ONG membru FONGTIL ne’ebe marka prezensa iha dialogu aberta ho kuantidade 129, konkorda katak, Konsellu Fiscal 2017-2022, kontinua eziste lejitimidade, hodi prezide FONGTIL to’ò iha mandatu 22 Novembru 2022, mantein nafatin ho kompozisaun anterior no statuta Proibidu no la admite tebes, liberta linguajen nebe ho sentidu Polarizasaun no autorizasaun ba utilizasaun emblema FONGTIL, tenki ho autorizasaun Konsellu Fiscal FONGTIL” dehan portavoz Paula de C. R. Araújo iha salaun FONGTIL Kaikoli 28/01
Nia Husu mos ba Komisaun Anti Korrupsaun ( CAC) atu apresenta kazu ida ne’ebe membru no konsellu balun keixa, atu nune resolve ho lalais, maibe sira iha asaun atu responde ba attitude sira ne’ebe mak uza atribute FONGTIL nia sem autorizasaun husi konsellu no sekretaria, sira mos sei halo asaun no keixa ba membru no konsellu balun ne’ebe uza atributu FONGTIL sem lisensa .
Iha akontese 28 de Dezembru 2021 n membru balun halo asembleia jerál extra ordináriu (lejítimu viola artigu 16.3 La prienxe kuorum) no sai hanesan polémika internal iha FONGTIL, tan nee sira halo diálogu aberta iha semana kotuk, ne’ebe partisipa husi membru FONGTIL husi ONG 13 munisípiu inklui RAEOA no ONG internasionál, iha rezultadu diálogu ne’e mak atu mantein konsellu Fiscal 2017-2022.
