Home Notisia UE Sei Apoiu Iha Rekuperasaun no Dezenvolvimentu Ekonomia

UE Sei Apoiu Iha Rekuperasaun no Dezenvolvimentu Ekonomia

513
0
Embaixadór Uniaun Europea (UE), Andrew Jacob. [Foto: Adalgisa Pereira | 25.02.2021]

Reportazen Adalgisa Pereira*

Embaixadór Uniaun Europea (UE), Andrew Jacob hasoru malu ho Vise-Primeira-Ministra, Armanda Berta hodi koalia kona ba programa kooperasaun iha futuru   Timor-Leste ho Uniaun Europeu ba periodu 2021-2027. Kooperasaun hamutuk ho sosiedae sivil setór privadu no praseiru dezenvolvimentu sira seluk.

“Ami nia apoiu iha rekuperasaun no dezenvolvimentu ekonomia ne’ebe matak no sustentavel inklui diversidade ekonomika, dezenvolvimentu setor privadu dijitalizasaun formasaun teknika profisional no mos integrasaun komersiu rejional no apoiu prepara adeizaun ba ASEAN no boa governasaun, inkluzaun sosiál no nutrisaun”, dehan Embaixadór Uniaun Europeu, Andrew Jacob iha salaun MSSI Kaikoli 25/02

Nia hatutan programa iha futuru bazeia ba Timor-Leste nia planu dezenvolvimentu liu-liu ba estratéjia rekuperasaun ekonomia  no Uniaun Europeu, sei implementa ninia programa kooperasaun ho Timor-Leste  hamutuk ho Portugal Banku Investimentu Europea.

 Embaixadór Andrew Jacob hateten Uniaun Europeu kontinua apoiu Timor-Leste ba serbisu mundial saude no ajuda ema sira ne’ebe vulneravel liu husi organizasaun sivil hodi luta hasoru COVID-19.

“Relasiona ho vasina Uniaun Europea no nia nasaun membru sira finansia 50% husi fasilidade Global COVAX nia $1 biliaun dollar Amerikanu ida, COVAX la kleur tan sei halo vasina uluk ne’ebe disponivel iha Timor-Leste no importante ba Uniaun Europea katak nasaun parseiru sira hotu iha asesu ba vasinasaun, tamba laiha ema ida mak seguru husi COVID-19 to’o ema hotu moris hakmatek”, dehan Embaixadór UE.

*(Adalgisa Pereira nudar estudante UNTL ne’ebe estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here