Home Saude INCT Organiza Diskusan Mesa Redonda Benefisiu Hosi Vasina COVID-19

INCT Organiza Diskusan Mesa Redonda Benefisiu Hosi Vasina COVID-19

494
0
Prezidente Ezekutivu INCT Jose Cornelio Guterres. [Foto: Bernarda da Costa | 25.01.2021]

Reportazen Bernarda da Costa*

Institutu Nasional Ciencias Teknologia (ICNT) realiza meza redonda ho tema Introdusaun Vasina Kontra COVID-19 iha Timor-Leste,hodi tau hanoin hamutuk halo preparasaun ba komunidade sira, atu simu Vasina hodi kontra surtu COVID-19.

Prezidente Ezekutivu INCT Jose Cornelio Guterres hateten diskusaun meza redonda ohin hanesan atividade mensal hodi tau ba planu anual INCT nian, ne’e hanesan diskusaun primeiru konaba vasina kontra COVID-19, maibe iha fulan oin mai sei halo diskusaun hodi koalia konaba area edukasaun no area seluk.

“Hanesan lisaun ida ne’ebe ita aprende husi nasaun seluk no iha dezafius sira, sei tau hanoin hamutuk husi peritus no partisipantes sira atu deskute didiak nia benefisiu, politika no mos efeitu sira ne’ebe karik populasaun sira simu, hodi nune’e bele rekomenda ba parte relevante”, dehan Prezidente Ezekutivu INCT, iha salaun Delta Nova 25/02.

Nia haktuir atu simu vasinasaun ne’e diak tebes, tamba antes atu introdus peritus sira iha mundu tomak halo estudus ida ne’ebe diak, hanoin ida ne’e diak ba povu Timor-Leste atu simu vasina naran katak halo diskusaun hodi halo peskiza no haré nia efeitu sira, tamba dalaruma mos implementasaun vasina kada kontestu la hanesan.

Iha fatin hanesan Ministeriu Ensino Superior Siensia no Kutura MESSK, Longuinhos dos Santos hateten eventu ohin hanesan diskusaun mesa redonda objetivu husi ne’e oinsa uza metodologia ida ne’ebe atu buka diskusaun hahu husi faze inisiu no mos dezafius konaba introduz COVID-19 iha Timor-Leste.

“Iha prosesu diskusaun ida ne’e nia rezultadu maka bele fo rekomendasaun ba governu liu-liu politika governu nian, para oinsa uza mekanizmu diak ba implementasaun vasinasaun COVID-19 ne’e rasik”, dehan MESSK iha Delta Nova.

Nia informa surtu COVID-19 ne’ebe mak afeta ba iha nivel mundial liu-liu iha Timor-Leste ne’ebe maka hahu komesa transmisaun lokal, ne’e hanesan dezafius boot ida ba Timor-Leste, tamba fasilidades saude iha Timor-Leste seidauk preparadu, tamba ne’e maka ho meius metodologia ne’ebe maka iha, liu husi MESSK ne’ebe diriji husi INCT ho metodologia atu bele halo diskusaun.

*(Bernarda da Costa nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here