Home EduTek MESSK-FDCH Aprova Diploma Ministerial Bolsu Estudu Hakbiit Hamutuk 910

MESSK-FDCH Aprova Diploma Ministerial Bolsu Estudu Hakbiit Hamutuk 910

753
0
MESSK-FDCH. [Foto: Bernarda da Costa | 25.02.2021]

Reportazen Bernarda da Costa*

“Koalia bolseirus ita koalia kontratu, klaru koalia konaba sira nia dever no direitu, sasaun saida mak sira sei hetan wainhira sira la kumpre, sira bele divolve fila fali orsamentu estadu”. FDCH

Ministeriu Ensinu Superior Siensia Kultura (MESSK) ho Fundu Dezenvolvimentu Capital Humanu (FDCH) asina Diploma Ministerial ba bolsu estudu Hakbi’it, sei fó oportunidade ba kbi’it laek nia oan hamutuk 910, atu asesu ba ensinu superior publiku no privadu sira iha Timor-Leste.

Ministeriu Ensinu Superior Siensia no Kultura, Longuinhos do Santos hateten objetivu husi asina diploma ministerial ne’e atu regula prosedimentu administrativamente, liu-liu konaba bolsu estudu hakbi’it ne’ebe atu bele hala’o estudu iha ensinu superior privadu no publiku sira.

“Bolsu estudu hakbi’it ida ne’e sei fó ba kbi’it laek nia oan hamutuk 910, husi numeru ne’e 500 sei hala’o estudu iha Universidade Nasional Timor Lorosa’e  (UNTL) no 410 sei destina ba iha ensinu superior privadu sira, fundus ne’ebe sei apoiu ba bolseiru sira hetan finansiamentu husi FDCH”, dehan Longuinhos iha Sala reuniaun MESSK,25/02 .

Nia haktuir rekezitus ne’ebe mak prepara, hodi asesu ba iha bolsu estudu hakbit ne’’e maka tenke sidadaun timoroan, hetan deklarasaun husi Ministeriu Solidariedade Sosial no Inkluzaun (MSSI), formulariu ne’ebe sei oferese husi FDCH, k artaun identidade Timor-Leste,Curiculum Vitae no diploma rehabilitasaun akademika.

Diploma Ministerial aprova tiha ona, nune’e hahu ohin ba oin prosesu lao dadaun ona nia finalidade iha fulan Marsu remata, hodi nune’e bele kumpre kalendariu akademika ne’ebe fó sai husi ensinu superior privado sira.

“Ensinu superior sira ne’ebe mak bolseiru sira atu asesu ne’e ita hare liu ba kursu sira ne’ebe mak propoen ona tuir regulamentu ne’ebe mak vigor hanesan kursu ciensia juridika, ciensia edukasaun, ciensia medika, ciensia engineira no ciensia sosiais”, informa MESSK.

Iha parte seluk Diretora Ezekutivu FDCH, Leila Cárceres haktuir orsamentu ne’ebe mak prevé hamutuk $1.5 milaun hodi distribui ba programa bolsu estudu hakbit ho Implementasaun asinatura diploma ida ne’e, fó ona espasu ba iha ekipa atu bele hahu dadauk ona halo implementasaun.

“Iha diploma ministerial hatur iha ne’eba katak kada bolseiru ida ho sira nia kustu de vida sei fo $120 kada fulan hanesan alojamentu, transporte, alimentasaun no seluk konaba atu selu propinas. gGovernu sei iha kooperasaun rasik ho universidade, hodi transfere direita ba universidade”, sublina Diretora Ezekutivu FDCH.

Nia haktuir universidade ensinu superior sira hamutuk 14 ne’ebe mak hetan akreditasaun husi ANNA, ida ne’e mak sei fó prioridade atu bele hatur bolseiru sira. Saida mak halo ona agora tenke hanoin ona, hodi bele halo sosializasaun ba to’o iha munisipiu hodi kobre to’o iha area rurais sira.

“Wainhira ita koalia bolseirus ita koalia kontratu, klaru koalia konaba sira nia dever no direitu, sasaun saida mak sira sei hetan wainhira sira la kumpre, sira bele divolve fila fali orsamentu estadu ne’ebe investe ba iha sira, ida ne’e atu motiva sira hodi eskola lolos, fo sira nia tempu hodi bele eskola tuir tempu ne’ebe mak determina”, haktuir Leila.

*(Bernarda da Costa nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here