Home Notisia Mericio Akara SEKOMS: Kongresu AJTL ba dala IV, Governo Hein AJTL Nia...

Mericio Akara SEKOMS: Kongresu AJTL ba dala IV, Governo Hein AJTL Nia Planu

164
0
Mericio Akara SEKOMS halo abertura ba Kongresu Dahaat AJTL (Foto: Shanti LdC)

Reportajen Santina L. da Costa

Iha Asosiasaun Jornalista Timor-Lorosa’e (AJTL) halo Kongresu ba dala IV ho tema, “Hamutuk Hametin  no Defende Independensia Editórial”, Mericio Akara hatete katak governu hein hela AJTL nia planu ne’ebé prioridade atu nune’e bele diskuti hamutuk, no oinsa halo kolabora hamutuk.

Sekretario Estadu Komunikasaun Sosial (SEKOMS), Mericio Akara reprezenta VIII Governo Konstituisional expresa nia haksolok bele mai partisipa iha Kongresu AJTL. Ba governu Asosiasaun Jornalista Timor-Lorosa’e (AJTL) sai prioridade, ne’e duni politika VIII Governu Konstituisional nian mak atu kontinua apoiu  asosiasaun rua AJTL Ho TLPU.

“Hau kontenti tanba TLPU mós halo ona kongresu no ohin ho aban mós AJTL halo tan kongresu. Hau hanoin ne’e importante, depois ita boot sira halo estrutura halo planu, governu hein hela ita boot sira nia planu ne’ebé prioridade atu nune’e ita bele diskuti hamutuk, oinsa halo kolaborasaun hamutuk,” Katak Mericio SEKOMS hato’o iha fatin Kongresu, Salaun TVE, Raikotu, 07/02.

Mericio Akara mos hatutan dehan Sekretario Komunikasaun Sosial, VIII Governu Konstituisional nia komitementu atu kontinua apoiu asosiasaun jornalista sira, tanba ba governu, asosiasaun jornalista sira ninia papel importante. Primeiru ita boot sira sai mahon ba maluk jornalista sira, ita boot sira mak sei halo advokasia, tau matan oinsa maluk jornalista sira serbisu di’ak liu, serbisu tuir kode etiku jornalista nia, no liuliu asosiasaun jornalista mak atu akompaña nafatin fó apoiu formasaun ba jornalista sira para nia kualidade sae beibeik no sai di’ak liu tan.

Sekretariu Estadu Komunikasaun Sosial mos informa, media importante, iha nasaun seluk media bele halo situasaun aat liu no midia mós halo situasaun sai di’ak liu. Maske depois de problema rezolvidu media la hetan apresiasaun, entaun hanoin ida hanesan ne’e, durante semana hirak nia laran media kontribui makaas fó informasaun kredivel, kontinua halo kobertura ho di’ak, media kontribui makaas los ba ita nia situasaun aktual, ne duni momentu ida ne’e SEKOMS apresia papel importante media sira.

Nia dehan, Governu espera AJTL bele hala’o nia kongresu ho di’ak no demokratiku. Fó ezemplu di’ak ba entidades sira seluk hodi halo demokrasia di’ak liu, rona malu. Halo kolaborasaun di’ak entre Asosiasaun AJTL ho TLPU ho objetivu hanesan, meius mak diferente, maibé ezemplu di’ak ba ita boot sira hatudu ba entidades sira seluk katak demokrasia ne’e media mak halo di’ak liu.

Kongresu ba dala IV ne’e partisipa mós husi, Sekretario Estadu Komunikasaun Sosial, Prezidente Konsellu Imprensa, Prezidente TLPU, Prezidente RTTL.EP, Prezidente Tatoli, IP, Diretór Neon Metin no seluk tan.

No kongresu refere apoiu husi, Gabinete Sekretariu Estadu Komunikasaun sosial, Neon Metin, IMA, no TVE.

LEAVE A REPLY

Please enter your comment!
Please enter your name here