Home Notisia PNTL Rejista Kazu 24, Inklui Kazu Tranzasaun Ilegál Iha Fronteira

PNTL Rejista Kazu 24, Inklui Kazu Tranzasaun Ilegál Iha Fronteira

88
0
Porta Voz Komandu Jerál PNTL, Superintendente Xefe Arnaldo de Araújo. [Foto: Francisco JDA | 04.11.2021]

Reportajen Silvino Freitas

Komandu Jerál Polisia Nasionál Timor-Leste (PNTL) iha semana ida ne’e nia laran rejista kazu insidente hamutuk 24, hahú husi loron 22 to’o 24 Novembru, iha territóriu nasionál.

Liu husi konferensia imprensa ba jornalista sira iha Komando Jerál PNTL Kaikoli, Porta-voz PNTL Superintendente Xefe Arnaldo Araújo informa, kazu insidente hirak ne’e maioria mak asaltu-malu.

“Komando Jerál hakarak informa de’it situasaun balun katak, total insidente iha semana ida ne’e nia laran kazu hamutuk 24, iha teritoriu nasional” informa porta-voz Arnaldo Araújo liu-husi konferensia imprensa iha Komando Jerál Kaikoli Dili, Kuarta 24/11.

Porta-voz ne’e mos informa katak kazu tranzasaun ilegal iha fronteira iha loron 19 Novembru, Komandu PNTL munisípiu Bobonaru prende sasan ne’ebé kontra bandu, mak hanesan kilat-anin modelu Sarz-Tiger lolon 8, fugetis dos 3,  ho suspeitu ho inisiál DT tinan 40, daudaun ne’e hamutuk ho sasan sira iha hela komandu munisípiu Malian,a hodi hein prosesu investigasaun.

Nia hatutan liu husi patrullamentu Unidade Polisia Fronteira (UPF), halo mos kapturasaun ba estudante nain 2, ne’ebe mak atravesa liña fronteira ho ilegalmente tanba pasaporte mate,  nuné Komandu UPF entrega ona ba iha karantina Batugadé.

Iha situasaun hanesan loron 23 Komandu PNTL  mos identifika sidadaun nain rua, ne’ebé mak ho motor, hodi ba foti sasan arte-marsiais 145, ne’ebé mak haruka husi Indonesia mai Timor

Nia mos relata katak kazu sira seluk mak kazu asidente ne’ebe akontese iha munisípiu Manatutu ne’ebe akontese fen ho laen monu ho motor, nuné lori mai iha óspital HNGV no kazu iha hela Komandu munisípiu Dili hodi hein ba investigasaun

Print Friendly, PDF & Email

LEAVE A REPLY

Please enter your comment!
Please enter your name here