Home Notisia Lei Investigasaun Kriminál, FM Husu Governu Konsidera Prosesu Aprovasaun Lei, Tanba Lori...

Lei Investigasaun Kriminál, FM Husu Governu Konsidera Prosesu Aprovasaun Lei, Tanba Lori Risku Ba Povu

233
0
Porta Voz Fundasaun Mahein (FM), Abel Amaral. [Foto: Joselina | 25.07.2022]

Reportajen Joselina dos Santos

Fundasaun Mahein (FM), husu ba Governu atu review fila “Lei Organizasaun Investigasaun Kriminál”, tanba tuir sosiedade sivíl  nia observasaun, lei refere désmotiva ba dezenvolvimentu intuisaun PNTL nian, no lei hotu-hotu tenke traduz ba lian Tetun, tanba povu Timor-Leste maioria la hatene lian Portugés maski lian Portugés lian ofisial.

Liuhusi konferénsia imprensa, Porta Voz Fundasaun Mahein (FM), Abel Amaral deklara, lider sira tenke hanoin ba oin, no haree didiak ho polítika tanba ita nia adezaun ba ASEAN, bele ka la’e membru ASEAN sira bele konsidera ho ita nia lei foun, ne’ebe fó poder ba instituisaun ne’ebe foin hahoris hanesan PCIC. Parlamentu Nasional la’o par a hare situasaun rai laran, ita hatene katak lei hotu-hotu ne’ebe asesór sira hakerek, ne’e husi ezbosu to’o iha publikasaun final ne’e ho Portugés, maibe sira lahatene katak maioria povu Timor koalia lian Tetun.

Nune’e FM rekomenda ligadu ho lei organizasaun investigasaun kriminal, husu governu katak lei foun ida ne’e fó implikasaun boot ba funsionamentu ba instituisaun PNTL no Judisial iha Timor-Leste, maibe lei kuaze Copy Paste husi Portugal, no aprova deit iha Parlamentu sem halo konsultasaun ka diskusaun kle’an entre instituisaun xave sira, inklui PNTL no sosiedade sivil, parseiru internasionál, akademista ka membru governu ne’ebe tau matan ba instituisaun seguransa sira.

“Tuir Ami nia haree presiza halo diskusaun ne’ebe nakloke ho klean kona-ba lei refere, atu nune’e bele garantia katak lei ne’e adapta loloos ba nesesidade no kondisaun timor nian.  Ne’e duni lei ne’e la kontribui ba frajilidade no konflitu, maibe haforsa fali prestasaun seguransa no justisa rai laran”, dehan, Porta Voz FM Abel Amaral iha komunikadu Imprensa, iha Salaun Enkontru FM, Bairo Central Dili, 25/07.

FM husu ba governu no sosiedade sivil atu haree didiak kestaun lingua ofisial Timor-Leste,  governu tenke garante katak lei hotu-hotu tenke traduz ba lian Tetun iha faze diskusaun, wainhira lei ne’e promulga, husu mos ba ema hotu liu-liu governu no sosiedade sivil sira tenke konsidera prosesu aprovasaun lei ne’e, tanba  la dun demokrátiku no lori risku oioin ba povu.

Print Friendly, PDF & Email

LEAVE A REPLY

Please enter your comment!
Please enter your name here