Home Notisia Nova Zelandia Apoiu $38 Milloens Investe Iha Diversifikasaun Ekonomia, Seguransa no Edukasaun

Nova Zelandia Apoiu $38 Milloens Investe Iha Diversifikasaun Ekonomia, Seguransa no Edukasaun

264
0
enkontru bilateral entre TL ho NZ. [Foto: David | 28.06.2022]

Reportajen David da Costa Gusmao

Nova Zealandia apoiu orsamentu $38 miloens ba Timor-Leste, hodi investe iha diversifikasaun ekonomia, ne’ebe foku iha kafe no kakau inklui mós peska, seguransa no edukasaun.

Divizaun Manajer ba Dezenvolvimentu Global no Bolsu Estudu (DMDGBE) Nova Zelandia, Joanna Kempkers  dehan, Relasaun Timor-Leste ho Nova Zelandia hahú kedas durante luta Timor-Leste nian ba independénsia to’o mai agora.

“Enkontru ida ne’e ita ko’alia konaba apoiu sira ne’ebe maka fó ba Timor-Leste iha tinan tolu mai nian. Apoiu sira ne’ebe maka ita atu fó por volta totál $38 miloens. Apoiu sira ne’e atu investe iha ekonomia, seguransa no mos edukasaun”, informa Joanna Kempkers ba jornalista sira iha salaun Nobre MNEK Pantai Kelapa, Tersa 28/06.

Nia haktuir apoiu sira ne’e maka diversifikasaun ekonomia, foku ba iha  kafe no mos produtu seluk hanesan kakau inklui mós parte peska ninia. Ba seguransa nian desde inisiu, Nova Zelandia apoiu ona Polisia Nasional Timor-Leste, hodi hasae sira nia kapasidade.

“Ami kontinua apoiu nafatin iha polisiamentu komunitária, foka liu ba iha seguransa komunitária,” tenik nia.

Iha edukasaun Nova Zelandia foku liu ba iha edukasaun sedu ka investimentu sedu ba labarik sira, tanba edukasaun sedu ne’e importante tebes ba labarik sira nia futuru, para oinsa prepara an hasoru sira nia moris aban bainrua nian.

“Iha programa ida ne’e edukasaun, oferese bolsa estudu ba  Timoroan sira, atu bele hasa’e sira koñesimentu iha area ensinu terseria ninia iha Nova Zealandia, oferese oprtunidade ba sira oinsa atu bele estuda iha rai laran, tanba edukasaun sai save ka odamatan ba dezenvolvimentu,” esplika nia.

Iha fatatin hanesan Diretór Jerál, Ministru Negósiu Estranjeiru no Kooperasaun (DJMNEK), Domingos Savio dehan reuniaun nivel altu ida ne’e ba dala tolu, kontinuasaun loloos halo iha tinan 2018, tanba COVID-19 nune hadia fali. Iha reuniaun ida ne’e, atu hametin relasaun entre Nova Zelandia ho Timor-Leste iha area bilateral, regional no multilateral.

Print Friendly, PDF & Email

LEAVE A REPLY

Please enter your comment!
Please enter your name here