Home Notisia PSIC Husu Komisaun A Kria Lei Hodi Defini Kompetensia Orgaun Polisial

PSIC Husu Komisaun A Kria Lei Hodi Defini Kompetensia Orgaun Polisial

472
0
Diretor PSIC, Visente Brito. [Foto: Francisco JDA | 25.02.2021]

Reportazen Francisco JDA

Polísia Sientifika Investigasaun Criminal (PSIC) hala’o sorumutuk ho komisaun A Parlamentu Nasionál, relasiona ho paraser Comisaun A ba Orsamentu Jerál Estadu (OJE) 2021 ne’ebé tuir Comisaun A katak presiza dezenvolve situasaun balun, hodi fasilita iha ambitu Investigasaun Criminal nian entre PSIC ho orgaun polisia sira seluk

Tuir Diretor PSIC, Visente Brito ba jornalista sira hateten, prosesu investigasaun atu la’o ho di’ak, presiza separasaun kompetensia jenerika no kompentesia espesial kada polísia tanba Timor-Leste opta organizasaun polisia plural katak iha PSIC, CAC, PNTL no Polísia Imigrasun, iha nesesidade atu kria lei nune’e bele define kompentesia

“Kuandu kazu ida akontese ba iha kompentesia apropiadu ba PSIC ho orgaun Polisial sira seluk atu koopera, nune’e mós vise versa se kazu ne’e tama ba iha polísia jenerika, entaun PSIC koopera atu nune’e polísia bele la’o tuir nia kompetensia rasik, selae orsida investigasaun ne’e iha sobre pozisaun ba malu”, hateten Diretor PSIC, Visente Brito iha PN, 25/02

Diretor PSIC ne’e esplika tan, durante ne’e akontese sobre pozisaun, tanba falta de lei ida ba organizasaun Investigasaun Criminal,  maibe bainhira lei ne’e iha ona hanoin ida dalaruma  juridikamente bele rezolve, konklui katak PSIC nia serbisu ne’e hare liu ba crime natureza ida grave no komplesu.

“Ita iha dadus ne’e delegasaun kompetensia hosi Ministeriu Públiku dadus tinan 2020 hamutuk 194 para atu investiga, no kazu ne’e tuir nia prosesual PSIC, kuandu investiga hotu tiha relatorio final haruka ba Ministeriu Públiku no analiza, arkiva, akuza no sei iha evidensia remete ba tribunal ba prosesu judisial”, hateten Diretor PSIC.

Iha fatin hanesan, Prezidente Komisaun A, Joaquim dos Santos ba jornalista sira hateten katak, ohin rona PSIC nia problema kona ba Investigasaun liuliu relasiona ho Polísia Nasionál Serbisu Investigasaun Criminal (PNSIC), mós tanba iha konseitu rua ne’ebé substansia diferente ,ida hala’o knaar sientífiku judicial nian, ida seluk hala’o orden judisial nia hotu, depois rona tiha ho konkluzaun ida katak, presiza halo lei ida kona ba organizasaun Investigasaun Criminal

“Deputadu sira hosi Comisaun A, sei koalia ba malu oinsá mak iha posibilidade atu hato’o ba Parlamentu, projetu lei ida kona ba organizasaun de Investigasaun Criminal”, hateten Prezidente Comisaun A Parlamentu Nasionál Joaquim dos Santos.

Print Friendly, PDF & Email

LEAVE A REPLY

Please enter your comment!
Please enter your name here