Home Saude COVID-19, TL Rezista tan Kazu Foun 1 Iha Covalima, Nafatin Hosi Clusters...

COVID-19, TL Rezista tan Kazu Foun 1 Iha Covalima, Nafatin Hosi Clusters Ida

877
0
Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo. [Foto: David Costa | 25.02.2021]

Reportazen David da Costa Gusmao

Liu husi Konferensia imprensa Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo informa ba jornalista katak iha loron 24 Fevereiru 2021, ekipa vijilánsia epidemiolójika no laboratóriu, halo teste swab iha aldeia Klauhalek, suku Belulik Leten, postu Administrativu Fatumea Munisipiu Covalima no rekolla tan 40 amostras ba halo teste laboratóriu.    

“Husi teste PCR ne’ebé halo hetan tan pozitivu ida, konfirmadu nudar kazu  foun loron rua  liu-ba”, dehan Dr.Rui ba jornalista sira iha Centro Integradu Jestaun Krize (CIJK) iha CCD, 25/02

Nia Esplika husi dadus ne’ebé  rekolla no análize  ne’ebé  halo  ba  istória kontaktu, husi  kazu foun  ida  ne’e, ekipa  vijilánsia  to’o  iha  konkluzaun  katak  kazu  foun  ida ohin, mane ho idade tinan 69, hela iha aldeia Klauhalek ho sintomátiku, nia gasta maior parte husi nia  tempo iha  to’os no haki’ak  karau  fatin,  baliza ho Indonésia , nia desa  ka suku naran  Lookeu,  Kecamatan Tasifeto barat, kabupaten Belu.

Nia haktuir rezultadu PCR  hatudu  Cycle Threshold (CT) value  40,  signifika  nia iha  faze  rekuperasaun. Ida  ne’e  hatudu katak  nia  hetan kontájiu, mais ou menus entre semana rua to’o semana tolu liu-ba.

Dadus hirak ne’e hotu hatudu katak, to’o ohin loron cluster ka agrupamentu Klauhalek,  ita identifika ona kazu primáriu ne’ebé hala’o transmisaun local ba ema nain 7, feto nain 4 no mane nain 3″,  nia hateten

Nia subliña maibe seidauk  iha  evidénsia  katak  cluster  ka agrupamentu ida  ne’e espalla ona mós ba iha fatin seluk.

Nia informa tan ekipa vijilánsia epidemiolójika ho laboratóriu husi nivel nasional, munisipiu Covalima no mos Sentru Saúde Fatumean, hamutuk ema nain 20, oras ne’e dadaun nafatin hala’o teste ba kontaktu sira hotu.

Entertantu dadus kazu foun 1, kazu rekuperadu nain 1 husi RAEOA, kazu ativu iha sala izolamentu Vera Cruz total 21.

Print Friendly, PDF & Email

LEAVE A REPLY

Please enter your comment!
Please enter your name here