Reportajen Joselina dos Santos
Delegasaun Timor-Leste, ne’ebé lidera husi Sekretária Estadu Igualdade no Inkluzaun (SEII), aprezenta Timor-Leste nia Relatóriu Periódiku Da-haat CEDAW, iha sesaun 85 enkontru Komité CEDAW ne’ebé hola-fatin iha edifisiu Nasoins Unidas, Jenebra-Suiza ba públiku.
Sekretária Estadu Igualdade no Inkluzaun, Maria Do Rosário Fátima Correia hateten, Parte Estadu relata ba Komité CEDAW katak, Timor-Leste kontinua halo progresu ne ebé pozitivu iha implementasaun Konvensaun CEDAW husi Dezembru 2015 Malu 2023. Timor-Leste konsidera Igualdade Jéneru no Hakbiit Feto no Labarik-Feto nu’udar prioridade aas liu ba dezenvolvimentu sosiedade ne’ebé inkluzivu no kontinua kompromitidu hodi asegura Feto, Labarik-Feto, Portador/a Defisiensia no grupu vulneravel sira hola parte iha prosesu elaborasaun politika, lei no programa governu ne’ebé reflete no responde ba nesesidades hotu-hotu.
“Pontu xave husi progresu ne’ebé Timor-Leste hetan ona iha artigu espesifiku sira husi konvensaun kona-ba definisaun diskriminasaun no enkuadramentu legál sira, Asesu ba Justisa. Rekursu Mákina Nasional Feto, Violênsia Kontra Feto, Planu Asaun Nasionál Violénsia Bazeia ba Jéneru 2022-2032, Dezenvolvimentu Feto, Pás no Seguransa no Foti-Desizaun, Igualdade iha asesu ba Edukasaun , Politika Re-entrada no asesu ba saúde”, dehan, Sekretária Estadu Igualdade no Inkluzaun Maria Do Rosário Fátima Correia iha Salaun SEII Caicoli, sexta 09/06.
Hafoin simu tiha apresentasaun relatoriu husi Parte Estadu, no simu relatoriu sombra no apresentasaun husi Rede Feto, Oxfam TL, No relatóriu husi ONU TL. Komité CEDAW hato’o apresiasaun ba delegasaun Timor-Leste no hato’o progresu pozitivu ne’ebé parte Estadu halo liuhusi reforma lejislasaun sira hanesan Lei Bolsa da Mãe-Jerasaun foun, foka apoiu sosial ba inan isin-rua no labarik iha 2021.
“Lei Kontra Tráfiku Umanu 2017, Lei Expropriasaun ba rai inklui protesaun feto 2017, Lei Rejime Estabelese Seguransa sosial Kontributóriu 20, no adopta Planu Nasional violênsia bazeia ba jéneru 2022-2032, Deklarasaun Maubisse promove empodarementu feto rurál, PAN-1325 kona-ba Feto, Pás no Seguransa, no Adopta Konvensaun Direitu Ema ho Defisiensia no nia Protokulu Opsionáll iha 2023”,
Komité CEDAW mós fó enfaze ba Área preukupasaun no rekomendasaun ne’ebé Parte Estadu sei halo iha tinan 2 no 4 nia laran. Observasaun Finál ne’ebé hatama Konvensaun CEDAW. area Prekupasaun no rekomendasaun públika iha Jornal website ONU nian maka foka ba área prekupasaun no rekomendasaun hanesan Hasa’e visibilidade Protokol Opsional no rekomendasaun Jerál liuhusi desimina no hasa’e konxiensia públika, no estabelese mekanizmu komprensivu envolve entidades Governu, Defensoria Públika no Organizasaun Sosiedade Sivil.
