Home Notisia FM: Suspensaun Atividade AM no AR La Rezolve Violénsia, Presiza Envolve Joven...

FM: Suspensaun Atividade AM no AR La Rezolve Violénsia, Presiza Envolve Joven Ba Prosesu Dezenvolvimentu

2908
0
Diretor Ezekutivu Fundasaun Mahein, Nelson Belo. [Foto: Umbelina | 24.11.2023]

Reportajen Umbelina dos Reis

Diretor Ezekutivu Fundasaun Mahein, Nelson Belo hateten, suspensaun no extinsaun la rezolve violénsia sira ne’ebé ligadu ho grupu arte marsiais no rituais, hetok durante suspensaun no extinsaun atividade klandestina ensinu apredizajen no pratika arte marsiais no rituais kontinua la’o, nune’e mos la prevene ka la rezolve violénsia sira ligadu ho grupu hirak ne’e.

“Suspensaun ba arte marsiais no rituais,  total 54 insidentes ne’ebé rejista ema sira ne’ebe mate ne’e hamutuk na’in 4 no kanek todan na’in 26 ho tan danus ka estragus ba sasan sira hanesan uma 21 no veíkulus (kareta no motor) 10. Nune’e iha loron 8 novembru 2023, IX Governu Konstitusional liu hosi Konsellu Ministru aprova Rezolusaun Governu Nú, 45/2023, loron 10 novembru, determina suspensaun kona-ba ensinu aprendizajen no pratika arte marsiais, adosaun ka foti medidas hodi asegura ordem públika.” Dehan Diretor Ezekutivu Fundasaun Mahein, Nelson Belo, liu hosi Konferensia Imprensa iha edifísiu FM, Kinta-feira, 23/11.

Nia dehan Fundasaun Mahein halo monitorizasaun ba IX Governu Konstitusional ne’ebé lidera hosi Primeiru-Ministru Xanana Gusmão no Ministru Interior, Francisco Guterres, sira iha ona esperiénsia kona-ba suspensaun no extinsaun ba arte marsiais no rituais hosi tinan 2008 to’o 2017.

“Problema violénsia entre gurpu arte marsiais no rituais la’os deit kestaun grupu, maibé problema estrutural sira ne’ebé promove violénsia iha sosiedade, liu-liu falta prezensa estadu nian, falta kampu traballu, falta edukasaun formal, no falta polítika atu garante partisipasaun juventude iha prosesu dezenvolvimentu.” Fundasaun Mahein nia observasaun.

Diretor ne’e hatutan, governu liu hosi Comissão Reguladora Arte Marciais (CRAM), PNTL no líderes komunitária kontrola no akompaña ho rigor ba atividade arte marsiais maka solusaun hodi orienta arte marsiais fila-fali ba nia origem no prevene vitolênsia sira ne’ebé ligadu ho grupu arte marsiais no rituais, la’os suspensaun no taka ka extinsaun.

Alein de ne’e, Governu presiza kria planu integradu hodi garante joven sira nia partisipasaun iha prosesu dezenvolvimentu sira, inklui fasilidade ba joven, oportunidade ba formasaun no edukasaun no kampu traballu iha rai-laran. Kleur ona, FM lamenta falta Polítika Juventude Nasional ida ne’ebé iha hodi garante katak joven Timor-oan sira hotu bele partisipa ho másimu iha prosesu dezenvolvimentu nasional, atu nune’e bele garante paz, estabilidade no dezenvolvimentu ekonómiku ne’ebé inkluzivu.

Nia konklui, Fundasaun Mahein identifika iha programa sanulu (10), maka IX Governu Konstitusional realiza durante mandatu 120 Dias ne’ebé ligadu ho juramentu, polémika, iregularidade, impunidade, inkonstitusionalidade nomos intervensaun ba disizaun Tribunal nian. Nune’e mos repete esperiénsia sira ne’ebé iha tinan hirak liu ba halo ona no la prevene ka la rezolve violénsia sira ligadu ho grupu arte marsiais no rituais.

“Bainhira modelu Governu ne’ebé nakonu ho ema sira ne’ebé envolve iha kazu no deskonfia envolve iha kazu, kontinua nomeia lidera iha istituisaun Estadu nian, ida ne’e sei dezakredita institusaun nia prestasaun servisu no harahun públiku nia fiar ba instituisaun Estadu, nune’e mos intervensaun polítika ba setor justisa no seguransa, sei la kontribui ba dezenvolvimentu nasional nomos hanesan ameasa ba seguransa nasional.”

“Violénsia akontese iha Munísipiu sira hanesan Baucau, Bobonaro, Covalima, Dili, Lautem no Viqueque, parte hotu julga katak violénsia hirak ne’e ligasaun mai hosi grupu arte-marsiais no arte rituais. Tanba ne’e, IX Governu deside suspende atividade arte-marsiais no rituais. Nune’e mos membru PNTL no F-FDTL balun sai kulpadu ba violénsia hirak ne’ebé ligadu ho grupu arte-marsiais no rituais. Entaun IX Governu Konstitusional ho forsa sei obriga halo juramentu ba membru PNTL no F-FDTL ne’ebé envolve iha arte-marsiais no rituais iha serimónia aniversáriu Proklamasaun Independénsia Timor-Leste nian iha loron 28 Novembru 2023.” Nia dehan.

Print Friendly, PDF & Email

LEAVE A REPLY

Please enter your comment!
Please enter your name here