Reportazen Franciso JDA
Centru Integradu Jestaun Krize [CIJK] hatoo informasaun relasiona ho moras Covid-19 iha Timor-Leste ba loron 21 Abril nian. Liu hosi centru media, portavoz CIJK, Dr. Sergio Lobo informa katak dadus 21 Abril rezultadu teste total 361 kompara ho horseik 327, total negativu ema nain 254, kazu konfirmadu total 23, kazu foun positivu ohin loron 21 Abril iha 1, kazu foun ne’e tanba professor Portugueses iha Liquica teste antes provavel maibe rezultadu ikus hosi Darwin rezultadu positivu, kazu provavel tun ba 4, sira ne’ebe hein rezultadu horseik 92 agora tun 80, teste foun ba ohin loron total 24.
Ema sei iha Kuarentena obrigatoriu total 518, iha Dili 413, iha municipio 90 no auto-kuarentena iha municipio ema nain 15. Ema sira ne’ebe iha kuarentena total 518, ohin sai hosi kuarentena ema 101, iha Dili ema 23, hosi Oecusse ema 17 no hosi Ainaro sai 1
Dr. Sergio informa mos katak iha numeru kuarentena aumenta ema 20 iha Porto Dili sira hela iha Ro laran, ema 1 mak klandestinu no agora iha Tibar maluk PNTL ida tama kuarentena tamba nia ba tula maluk sira positivu.
Total professional saude sira ne’ebe iha kuarentena hamutuk 23 hamutuk ho polisia nain 1, total 24. Sira husu atu kuarentena tanba iha kontaktu ho ema ne’ebe nia akompanha izolamentu.
