Home Notisia Covid-19, Swab Test Halo Iha TL no Darwin, Dr. Sergio: Halo Tuir...

Covid-19, Swab Test Halo Iha TL no Darwin, Dr. Sergio: Halo Tuir Padraun Ne’ebe Iha

143
0
Swab Test ba virus SARS-CoV-2. [Foto: Copyright google | 21.04.2020]

Reportazen Francisco JDA

Teste virus Corona [SARS-CoV-2] ne’ebe bolu ho naran Nasopharyngeal and Throat Swab ba maluk sira ne’ebe mak hatudu sintoma virus Corona, liu-liu ba maluk sira ne’ebe hela iha kuarentena obrigatoriu bainhira fila hosi nasaun afetadu, teste refere halo iha laboratoriu nasional no mos halo konfirmasaun teste iha Royal Hospital Darwin.

Ho teste ne’ebe mak halao mos iha Darwin, Neon Metin halo konfirmasaun ba CIJK, tanbasa tenke halo teste iha fatin rua? Ba Neon Metin, portavoz CIJK Dr. Sergio Lobo hatan teste ida ne’e nasaun barak seidauk halo, ita nia felismemte ho parseiru sira ne’e liu-liu esforsu hosi Pesoal laboratorio sira ne’e, ita konsege halo mesak teste ne’e, “ha’u hanoin barak liu ita tenke konvense ita nia ema iha rai laran sira ne’e katak buat sira halo ne’e tuir padraun. Kadavez teste halo teste iha Timor-Leste no ba check fali iha Darwin teste rezultadu sempre 100% hanesan, teste iha Timor negative, teste iha Darwin mos negativu”.

Liu hosi konferensia imprensa iha centru media iha CCD, portavoz Dr. Sergio mos informa semana tolu tuir mai, bainhira laboratoriu nasional 100% hatudu nia precisão ka akurasi, sei la presiza haruka ba ona Darwin. Se halo teste iha ne’e deit tenke iha konkordansia 100%.

“Hau hanoin buat ida ne’ebe halo ita laran kontente katak teste sira neebe ita haruka ba Darwin hodi halo konfirmasaun ba teste, fila fali mai iha konkordansia 100% hanesan, ne’e duni ita fo fiar tomak ita nia ekipa no maluk sira serbisu iha laboratoriu  halo serbisu boot ida hosi semana 2 kotuk liu ba progresu boot teb-tebes no bele kompara ona ho nasaun avansadu sira seluk iha kapasidade atu halo molekolal”, hateten Dr. Sergio

Dr. Sergio Lobo informa katak dadus 21 Abril rezultadu teste total 361 kompara ho horseik 327, total negativu ema nain 254, kazu konfirmadu total 23, kazu foun positivu ohin loron 21 Abril iha 1, kazu foun ne’e tanba professor Portugueses iha Liquica teste antes provavel maibe rezultadu ikus hosi Darwin rezultadu positivu, kazu provavel tun ba 4, sira ne’ebe hein rezultadu horseik 92 agora tun 80, teste foun ba ohin loron total 24.

LEAVE A REPLY

Please enter your comment!
Please enter your name here