Home Meio Ambiente SEK Arsenio Husu MOCATIL Aprende Kooperativa Hosi Rai Seluk

SEK Arsenio Husu MOCATIL Aprende Kooperativa Hosi Rai Seluk

99
0
Konferensia La Via Campesina, organiza hosi MOCATIL (foto: Ruben 'Hamas')

Ruben ‘Hamas’

Sekretariu Estadu ba Kooperativa (SEK), Arsenio Pereira da Silva, iha ninia intervensaun ba Konferensia MOCATIL husu ba partisipantes konferensia bele aprende hosi rai seluk nia experiensia kona ba lalaok kooperativa.

Ba konfrensista sira Arsenio hatete,“komferensia ida ne’e,  hanesan komferensia kampesina ninian. Timor-Leste mak sai hanesan uma nain tanba Timor -Leste mos tama iha mundu kampesina internasional, ne’e duni tinan-tinan inkontru regular kelilingba nasaun-nasaun. Reprezentante nasaun sira mai ne’e sei fahe sira nia esperiensia kona-ba modelu saida mak sira uza iha kooperativa iha sira nia rain, liu-liu sira ne’ebe mai husi Vietnam, no rai seluk tan mak  iha ona esperiensia kona-ba koperativa.” Konferensia MOCATIL nian ne’e halao iha Hotel Vila Verde, 28/07.

SEK Arsenio mos hatete, modelu produsaun ba benefisiu nian hosi saida mak kamponesa sira produs rasik, ne’e dala ruma merkadu ne’e la fo prioriedade ba sira, entaun ho esperinsia sira  ne’e sira fahe ba malu. Atu nune’e kuandu hau tun ba kampo saida mak ita bele halo hamutuk iha ne’eba ba future, liliu atu ba iha merkadu.

Sekretariu Estado temi mos kona ba sei fasilita fo formasaun  treinamentu teknika no no pulitika, tamba ne’e mak babain ami halo iha movimentu kampesina iha nasaun Timor-Leste hodi oinsa bele hasa’e kuinesementu husi maluk agrikultura.

Secretario Geral Ministerio Agricultura e Pescas Timor- Leste (MAP), Cesar Jose da Cruz ne’ebe koalia moa iha konferensia ne’e hato’o katak, “objetivu husi enkontru ne’e laos atu oinsa maka ita haree hamutuk movimentu kooperativa iha rai Sudeste Asiatiku no iha Asia konaba koperativas. Hau husi MAP sei  ko’alia liu kona ba haree ba produsaun agrikultura, haree ba kualidade no oinsa mak haree ba produtividade. Atu nune’e ita nia kamponesas, ita nia agrikutor sira, no komunidade sira ne’ebe involve an iha kooperativas ne’e, liu-liu sira bele hadia diak liu tan, no atu koopera diak liutan. Koperativa ne’e fasilita sira para bele hatama osan, hodi halo rendimentu ekonomiku liu husi produsaun mak sira halo. Nune’e sira bele hetan rendimentu diak liu, ne’e mak prinsipal liu ba ita nia  povo nia moris diak, nune’e  produz barak liu husi koperativa  entaun ita bele redus ona exportasaun.”

Partisipantes ba konferensia ne’e mai hosi grupu agrikultór, peskadór, hakiak animal, serbisu nain iha to’os no natar, asosiasaun, Arte jenatu, arte kreativu, koperativa, PERMASCOUT-TL,  no iha uniaun agrikultore feto no mane iha municipio, juventude rural ne’ebe mai husi munisipio 13, no posto Administrativo, suku no aldeia.

LEAVE A REPLY

Please enter your comment!
Please enter your name here