Home Saude Pasiente 1 Mate Ho COVID, Rezultadu PCR Post-Mortem Hafoin Iis Kotuk Nafatin...

Pasiente 1 Mate Ho COVID, Rezultadu PCR Post-Mortem Hafoin Iis Kotuk Nafatin Pozitivu

306
0
Ilustrasaun virus Corona. [Foto: Copyright google | 07.03.2020]

Reportazen Zevonia Vieira

Relasiona ho kazu obitu ida ne’ebe akontese iha loron 8 Maiu, katak pasiente nain ida hakotu nia iis iha Vera Cruz, liu hosi zoom press conference Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo esplika katak feto, idade tinan 70, tama iha Vera Cruz iha loron 5 Maiu 2021, ho diagnoze traballu Sindroma Insufisiénsia Respiratória Aguda (SIRA) plus Severe Anemia, ninia rezultadu PCR loron 5 Maiu hatudu pozitivu ho Cycle Treshold (CT) N2 gene 28,2 & E gene 26,7.

Dr. Rui informa durante loron 2 iha Vera Cruz, médiku espesialista sira halo tratamentu tuir protokolu ne’ebé adopta iha HNGV ba kazu hanesan, tramentu inklui oksijéniu & transfuzaun ran.  Pasiente hakotu-i’is iha loron 8 Maiu.

“Ninia rezultadu PCR post-mortem/hafoin iis kotu, nafatin pozitivu ho CT N2 Gene 18,3 & E Gene 16,4. Familia deside atu lori ba hakoi iha Uatulari, tuir protokolu funeral kazu mate ho COVID-19 ne’ebé Timor-Leste adopta ona”, dehan Dr. Rui, 09/05.

Dadus jeral hatudu katak kazu detetatu foun hamutuk 116 (iha Dili 98, iha Munisipiu seluk 18). Husi total kazu detetadu foun ohin mane 66 no feto 50,  husi total kazu detetadu foun ohin, hirak ho idade tinan 60 nain 8.  Husi total kazu detetadu foun ohin, proporsaun kazu sintomátiku hamutuk 10,3%. Total kazu konfirmadu kumulativu sura husi 21 Marsu 2020 to’o ohin loron  iha nain 3227. Total Obitu to’o ohin loron hamutuk nain 5

Kazu rekuperadu nain 81, total kazu ativu 1540, ema ne’ebe halo teste PCR hosi horseik to’o ohin loron hamutuk 1256. Total kazu kumulativu konfirmadu COVID-19 hosi tinan kotuk to’o ohin loron iha municipio Dili hamutuk 2691.

Print Friendly, PDF & Email

LEAVE A REPLY

Please enter your comment!
Please enter your name here