Home Notisia Siklone Seroja, Estraga Makina Bomba Bee Moos Total 26

Siklone Seroja, Estraga Makina Bomba Bee Moos Total 26

227
0
Prezidente Bee Timor- leste (BTL), Carlos dos Reis. [David da Costa | 10.05.2021]

Reportazen David da Costa Gusmao

Relasiona ho dezastre naturál ne’ebe akontese iha 4 Abril tinan ne’e, makina bomba bee moos hamutuk 26 mak avaria iha kapital Dili, makina 25 rekupera ona, hela 1 iha Camea mak sei prosesu rekonstrusaun

“Estragus hotu makina bomba bee moos 26 mak aat no ninia sistema 6 mós aat hotu, maibé iha semana rua nia laran ita konsege rekupera 25 makina bomba bee moos, sei hela ida iha Camea mak sei iha hela prosesu rekonstrusaun,” esplika Prezidente Bee Timor- leste (BTL), Carlos dos Reis ba jornalista sira iha Novu Turizmu, Segunda 10/05.

Nia hatutan, sistema akaptasaun bee moos 6 ne’ebé mak aat iha 4 mak normaliza ona, 2 iha Tohu-Meta ne’ebé mak fornese bee ba area Manleu, Surik Mas, Bairo Pite, Kakaulidun to’o iha Palapasu mak seidauk hetan bee moos.

“Ami nia ekipa dadaun ne’e serbisu hela iha ne’eba, espera iha semana ne’e ita bele normaliza ona bee iha Tohu- Meta ne’e, signifika bee bele tama ona iha ita nia rezervatoriu iha Manleuana para ita bele halo tratamentu ba ita nia ema sira,” nia Subliña.

Nia afirma sistema kiik sira ne’ebé mak rekupera ona, ema ne’ebé mak uza oituan deit la barak, nune’e mak iha fatin barak ema sei hakilar ba bee moos, tanba sistema akaptasaun bee moos boot iha Tohu-Meta ne’e sei iha prosesu rekonstrusaun.

“Normalizasaun ba bee moos ne’e 30% mak hotu ona, maibe ema asesu ba 30% ne’e oituan deit, 20% ne’ebé mak sei iha hela rekonstrusaun ne’e mak ema asesu barak liu, tanba ema besik 60% mak asesu ba bee moos husi Tohu-Meta, no sistema akaptasaun bee moos boot ne’e mak iha Tohu-Meta ne’e,” nia esplika.

Nia haktuir, semana ida ou rua tan bele normaliza ona, maibé atu halo metin ba oin ne’e presiza too fulan 6, tanba kanu ne’ebé mak iha mota laran presiza buka dalan seluk, atu mota tun karik la bele kona tan, solusaun temporaria ne’e semana 1 ka 2 tan, maibé solusaun permanente ne’e presiza tempu.

Print Friendly, PDF & Email

LEAVE A REPLY

Please enter your comment!
Please enter your name here