Home Notisia Faturilau Produs Bani Been no Agrikola, Tinan 21 La Asesu Estrada Impede...

Faturilau Produs Bani Been no Agrikola, Tinan 21 La Asesu Estrada Impede Agrikultor Asesu Merkadu

494
0
Xefe Suku Faturilau, Postu Admistrativu Likidoe Municipu Aileu, Albino Amaral. [Foto: Francisco JDA | 28.10.2020]

Reportazen Francisco JDA

“Koalia konaba estrada ita sei la aguenta tanba tinan oin mai, ami la asesu ona dalaruma mos ita nia parseiro sira ne’ebe mak hakarak implementa sira nia programa iha Faturilau sei la asesu, tanba estrada kotu, estrada la aguenta ona”. Xefe Suku Albino.

Munisipiu Aileu, Postu Admistrativu Likidoe, Suku Faturilau rai buras ne’ebe hodi kuda produto lokal sira, liu-liu produto agrikola no produsaun bani been.

Maske rai buras ne’ebe fo espritu ba agrikultor sira hodi kuda aihan sira ne’ebe mak ema hotu bele konsumu, maibe situasaun iha tinan 21 laran mudansa ba sira nia moris la muda tanbasa? Tanba to’o ohin loron rai buras ne’e la asesu Estrada no fo impaktu ba agrikultor sira hodi asesu merkadu. Estrada laos deit impede asesu merkadu, maibe mos fo impaktu ba inan isin rua sira asesu centro saude.

Xefe Suku Faturilau, Postu Admistrativu Likidoe Municipu Aileu, Albino Amaral ba jornalista sira hateten estrada sai preokupasaun ba ita nia inan feton sira, orientasaun mai rápidu inan feton ne’ebe mak isin rua, obriga tenki ba centro saúde, atu lalin sae ba aibubur laran ka sae foho, pelemenus bee dalan sira ne’e kee netik atu nune’e udan mai labele sobu estrada ne’e.

“Koalia konaba estrada ita sei la aguenta tanba tinan oin mai, ami la asesu ona dalaruma mos ita nia parseiro sira ne’ebe mak hakarak implementa sira nia programa iha Faturilau sei la asesu, tanba estrada kotu, estrada la aguenta ona”, hateten Xefe Suku Albino, 28/10.

Nia dehan produtu ne’ebe konesidu iha Faturilau mak bani been,  nia prosesu mak koileta kada tinan, produtu ne’ebe mak mesak diak,  balun han no balun soe tiha kuandu ninia durasaun to’o tanba ita nia preokupasaun estrada la diak, atu halo oinsá mak komunidade bele asesu iha merkadu.

“Bainhira koileta bani been ne’e han deit ona, to’o tempu liu balun tenki soe, maibé nudár autoridade suku nafatin relata, komunidade mo iha komitmentu boot hakiak animal bibi, kuda, karau, sira ne’e iha maibé kondisoens laiha atu lori sira ba merkadu tanba estrada la diak”, tenik Xefe Suku.

Iha Fatin hanesan komunidade Faturilau, Rui Lopes ba Neon Metin nia husu ba estadu bele kria kondisaun, nune produtu ne’ebe komunidade prodús hanesan bani been akumula komunidade tau hamutuk no governu bele sosa iha suku Faturilau.

“Bani been ne’ebe mak ami prodús, kada ai hun ida ami bele hetan jerigen 10, kada jerigen ida hetan osan $15.00, bainhira dalan la diak lori kuda mak lalin mai suku Faturilau no ba kapitál bainhira tempu udan, entaun labele lori no rai hela to’o tinan rua maibé tau iha bidón metan tiha maibé tau iha jerken diak hela”, hatete Rui Lopes

Print Friendly, PDF & Email

LEAVE A REPLY

Please enter your comment!
Please enter your name here