Home Analisa Implikasaun Expo Dubai Ba Setór Turismu Iha Timor-Leste

Implikasaun Expo Dubai Ba Setór Turismu Iha Timor-Leste

375
0
hakerek nain Jemicarte Moniz dos Reis. [Foto: Dokumentu privadu | 29.12.2020]

Hakerek nain Jemicarte Moniz dos Reis

Politikamente durante tinan sanulu (10) resin nia laran governu ladun iha seriedade atu dezenvolve rekursu natural, setór turismu nu’udar rekursu produtivu no potensia ekonomiku ne’ebé boot hodi esplora ho didiak atu eleva kresimentu ekonomia domestika. Partisipasaun timor-leste ba atividade expo dubai ne’e nu’udar asaun ne’ebé hola parte, halo intervensaun hato’o, fahe no envolve ita halo desizaun ba planu projetu ruma, partisipasaun mai husi parte relevante sira iha ne’ebé ho objektivu hanesan ba atividade ruma ka planu ruma, atu atinji rezultadu diak. Partisipasaun mós maka kompozisaun entre individu eh grupu iha halo desizaun, implmentasaun benefisiu no avaliasaun tuir atividade ka planu ruma ne’ebé iha organizasaun ka projetu sira. Kolia kona ba Partisipasaun tuir Cohen & Uphoff fó hanoin ba pontu ha’at prinsipalmente kona-ba partisipasaun. 1). Participation in decision making; 2).Participation in implementation; 3). Participation in benefits; no 4). Participation in evaluation.

Nune’e tuir Vizaun planu estrategiku dezenvolvimentu nasional (PEDN) 2011-2030, Kapitulu IV kolia kona-ba dezenvolvimentu ekonomiku nian katak Timor-Leste konstrui ekonomia ida moderna no difersifika ho baze maka agrikultura, turismu, industria petrolifero no setór privadu. Esperansa ba dezenvolvimentu setór turismu iha tinan 20 mai tan husi planu 2011-2030 ne’ebé nakait nia objetivu iha setór turismu ne’ebé enerjetiku no atraitivu, halo kontribuisaun signifikante ba empregu iha nasaun laran ho sustentabilidade ekonomiku sosial no ambiental no ajuda promove imajen pozitivu Timor-Leste nian iha rai liur.

Iha sorin seluk tuir Vice Prezidente Cámara Comercio Industria Timor-Leste (CCITL) Rui Castro hateten katak atividade expo dubai tinan ne’e timor leste prepara ona atu partisipa, governu presiza suspende atividade ne’e tanba la merese realiza iha tinan ne’e, razaun tanba povu no nasaun timor-leste hasoru hela situasaun Covid-19, ne’e implika mós ba roda ekonomia timor-leste. Nu’une nia esplika orsamentu ba expo dubai, governu presiza investe iha area agrikultura, turismu no banku hodi fó kreditu ba ema nu’une osan ne’e bele sirkula iha rai laran, tanba ekonomia timor-leste monu tun ba pursentu ne’en tuir relatoriu Banco Central Timor-Leste. Ita hetan sofre makas iha rai laran, tanba Covid-19 ne’ebé iha atividade ekonomia durante tinan ida paradu barak mak labele la’o, tanba covid-19 no ita iha orsamentu ne’ebé sai problema entaun tanba sa ita tenke gasta osan ba liur ita gasta osan ba liur ladun fó benefisiu diak liu lalika, ho situasaun ida agora laos oprtunidade la’os momentu ida diak ba timor atu partsispa hodi gasta osan ida ne’ebé lolos la nesesariu no iha timor povu presiza para osan ne’e atu bele gasta rai laran. ( Fontes. https://gmntv.tl Bebora, Kinta 03/06/21.)

Nune’e mós Primeriu Ministru Taur Matan Ruak hateten katak difisil atu hapara partisipasaun Timor nian iha expo Dubai, tanba iha tinan naruk halo ona preparasaun, ne’ebé la iha razaun atu hapara. Entretantu Diretór Ezekutivu Asosiasaun HAK Xisto dos Santos hateten katak razaun ne’ebé Primeiru Ministru dehan ne’e la relevante ho kondisaun agora, la relevante tanba imajina iha kapital dili, fatin turizmu sira ne’e, bee-mos la iha, konstrusaun fatin turistiku laiha, produtu sira ne’e mós la folin. ( Fontes https://neonmetin.info. 10/06/2021).

Ita hatene katak Timor-Leste hanesan nasaun foun ida, foin dezemvolve-an iha area sira hanesan edukasaun, saude, agrikultura, peskas, formasaun teknika, no mós infrastrutura. Dezemvolvimentu iha area hirak ne’e normalmente lao ho masimu tanba nasaun foun ne’e mós iha modalidade ida ne’ebé boot tebes husi fundus minarai no gas. Liu husi rekursu minarai no gas mak fó benefisiu no rendimentu hodi hetan kresimentu ekonomia iha nasaun foun ida ne’e. Alende husi rekursus minarai no gas, Timor-Leste mós nakonu ho potensia turismu ne’ebé atraktivu husi beleza natureza, kultura no mos sitiu istoriku sira. Potensia turismu natureza hirak ne’e mak hanesan paisazem husi foho, ai-horis, tasi-ibun no tasi laran ne’ebé nakonu ho espesies oi-oin, rai-henek mutin, bee manas natural, balada fuik sira, lagoa, mota no bee naktudak (Water Fall), ilha kiik sira hanesan Ilha Ataúro no mós Ilha Jaco, seluk husi natureza iha mos sitiu istoriku no mos kultura no tradisaun oi-oin sira hanesan lalaok moris (The way of life) husi komunidade, dansa no hananu tradisonal, seremonia ritual, eransa liman fatin sira hanesan monumentu no konstruksaun uma antigu, artejenatu no seluk-seluk tan. Liu husi potensia turismu sira hanesan ne’e presiza tebes tau importansia no tau atensaun husi governo Timor-Leste liu-liu ba Ministeriu Turismu Arte no Kultura inklui mos setór privadu sira ne’ebé mak involve-an iha setór turismu,  kopera hamutuk hodi bele dezemvolve potensia turismu hirak ne’e sai nudar atraksaun turistiku ida no halo promosaun ba rai liur hodi atrai turista internasional sira bele mai vizita nasaun Timor-Leste. Bainhira numeru vizitantes ka turista aumenta maka sei fó influensa positivu ba ekonomia, kultural, sosial, no mos politika.

Tuir prinsipiu turismu katak sistema turismu ne’ebé hamosu sustentabilidade ba ambiente sosial no kultural. Sistema ida ne’e sei maneja husi komunidade no nia nain maka komunidade enjeral ho ninia objektivu fó dalan ba vijitantes atu hasa’e sira nia hanoin no estuda kona ba komunidade no ema lokal nia hahalok moris lor-loron nian, hare husi prinsipiu ne’e rasik tuir Endah Nurhidayati 2012 konsidera katak, Community based tourism (CBT), is tourism that takes environment, sosial and cultural sustainability into account. It is managed and owened by the community, with the purpose of enabling visitors to increase their awareness and learn about the community and local ways of live.

Hanesan ita hatene katak rekursu ne’ebé bele renova fila fali ka produtivu hanesan turismu presiza iha seriedade politika ida diak atu dezenvolve infrastrutura bazika ho integradu inkliu ho konservasaun valor tradisional sira, valor istoriku, ambiental inklui kria formasaun jestaun ba komunidade multi-area, prosesu sira ne’e tenke iha koordenasaun ida-idak entre entidade hotu, hodi bele hetan rezultadu ida ho benifisiu mutual, Ho Nune’e tuir Yayat M. Herujito, fó hanoin katak “koordinasi merupakan syarat mutlak untuk menjamin agar semua kegiatan kerja dalam organisasi dapat berjalan dengan harmonis dan efisien. Semakin besar ruang lingkup suatu organisasi, semakin terasa betapa pentingnya masalah koordinasi. Koordinasi menghubungkan kegiatan berbágai macam cabáng pekerjaan, yang menjamin terlaksananya garis politik yang ditentukan dan menghindarkan perselisihan paham atau kepentingan. Nune’e bele ganate benefisiu husi turismu ne’e hodi hasa’e rendimentu ekonomia komunidade lokal nian, iha situasaun ne’e hatudu katak maske politika bele dezenvolve ho ambisaun bo’ot maibe presiza planeamnetu ida diak hanesan motor ba dezenvolvimentu atu orienta lalaok ida ba mudansa nian. Kolia kona ba Planeamentu tuir George R.Terry fó nia hanoin katak Perencanaan berarti memiliki dan menghubungkan dengan kenyataan, dalam membayangkan dan merumuskan tindakan yang dianggap perlu untuk mencapai hasil yang diinginkan.

Konkluzaun

Partisipasaun timor-leste ba atividade expo dubai presiza governu investe iha setór turismu iha observasaun direitamente hatudu katak persiza tebes atu implementa politika ka plano husi governo atu dezenvolve iha setór turismu nune’e atu responde ba necesidade turistika iha fatin turismu ne’e governu tenki kolabora hamutuk ho ministerio ne’ebé relevante hodi nune’e bele servisu no hari konstrusaun ba facilidade hotu iha parte akomodasaun nian persiza hadia hotelaria no merkado ba produtu lokal hodi nune bele halo mudansa ba facilidade no hasa’e kualidade hodi fó atendimentu ne’ebé diak ba necesidade turistika nune’e mós bele aumenta reseitas no rendimentu ne’ebé maximu ba komunidade iha fatin turismu refere. 

Rekomendasaun

Hakarak rekomenda ba governu Timor-Leste liu-liu ba Ministeriu Turismu katak atu nasaun Timor-Leste sai nudar fatin ou destinu turistiku furak ida, maka presiza hadia  parte hirak hanesan tuir mai nee:

  1. Governo Timor Leste la bele tau importansia deit ba mina rai no gas maibe presiza tau importansia mós ba setór sira seluk, inklui mós ba iha setór turismu.
  2. Ministeriu Turismu presiza tau lei ida no harii mós asosiasaun kona ba mata-dalan ba turista (Biro Perjalanan Wisata) iha Timor-Leste ne’ebé mak organizadu hanesan iha nasaun sira seluk.
  3. Hadia ka dezemvolve infrastrutura no fasilidade turismu.
  4. Objetu ka atraksaun turismu hotu-hotu tenki iha entrance fee ba turista lokal no mós turista estranjeiru sira.

Referensia :

  1. Cohen and Hoff. 1977. Rural Development Participation. Cornel University. New York.
  2. Endah Nurhidayati. 2012. Penerapan Prinsip Community Based Tourism (CBT). University Gadjah Mada. Yogyakarta.
  3. Yayat M. Herujito 2001.  Dasar-Dasar Manajemen, PT. Grasindo, Jakarta.
  4. Endin, Nasrudin. 2015. Manajemen Pelayanan Publik. Pengantar Pustaka Setia Bandung.
  5. Vizaun Planu Estrategiku Dezenvolvimentu Nasional (PEDN) 2011-2030.
  6. https://gmntv.tl
  7. https://neonmetin.info
Print Friendly, PDF & Email

LEAVE A REPLY

Please enter your comment!
Please enter your name here