Reportajen Joanina Casamiro
Governu liuhusi Sekretariu Estadu da Eletrisidade Água e Saneamento (SEEAS), ohin hala’o enkontru ho Perusahaan Listrik Negara, ( PLN), Indonésia, Hartanto Wibowo ho ekipa, hodi hametin kooperasaun atu dezenvolve setor Eletitrisdade iha Timor-Leste.
Sekretariu Estadu da Eletrisidade Água e Saneamento (SEEAS), Santo Noronha, hateten Objetivu ohin halo reuniaun entre parte Eletrisidade Timor-Leste, ho PLN Indonesia hanesan mos kompañia Estatal ida iha Indonésia hanesan mós EDTL,E.P ne’ebé book aan iha setór Eletrisidade Indonesia nian.
“Ohin sira mai halo apresentasaun iha EDTL ita hamutuk hodi haree oportunidade saida mak ita bele servisu hamutuk bele desenvolvimentu Setór Eletrisidade iha Timor-Leste” Dehan Secretário de Estado da Eletrisidade, Água e Saneamento, Santo Noronha ba Jornalista sira iha Salaun enkontru EDTL kaikoli, Tersa 12/09.
Nia haktuir, iha enkontru ne’e PLN Indonésia mos aprezenta dadus balun Kona-ba servisu Eletrisidade nian no EDTL, E.P mós aprezenta ba PLN Indonésia relasiona ho material hirak ne’ebé presiza hodi dezenvolve hamutuk iha futuru.
“Ami mós husu ba PLN Indonésia para suporta ita capacity Building, nune’e bele ajuda fó formasaun no kapasitasaun ba ita nia tekniku sira no iha area específika sira seluk” , Nia esplika.
Tanba ne’e , tekniku sira husi EDTL, E.L sei ba tuir formasaun iha Indonésia no formador sei fornese husi PLN Indonésia rasik ne’ebé mak espesialidade iha area Eletrisidade nian.
