Home Notisia Iha Naktuka Laiha Eskola, Labarik Sira Lao Distánsia Dook no Hakur Mota,...

Iha Naktuka Laiha Eskola, Labarik Sira Lao Distánsia Dook no Hakur Mota, Desidi Lakohi Eskola no Balun Lakohi Kontinua

1948
0
Komunidade Naktuka Martino no Tomas. [Foto: Juvinal | 06.02.2024]

Reportajen Juvinal Cabral dos Santos

Martino Falo haktuir labarik maioria iha Naktuka lakohi eskola no balun iha deit eskola primária klase ²  no la kontinua tanba loro-loron la’o distánsia ne’ebé dook,  bainhira  tempu udan mota sempre fó ameasa ba estudante sira.

“Husi kedas governu anterior ami husu atu loke de’it eskola mos nunka realiza, boot sira di’ak liu mai ko’alia buat seluk tanba ami nia preokupasaun nunka to’o iha boot sira hodi harii eskola ida iha Naktuka, se atu mai ko’alia kona ba harii eskola ne’e liafuan pasadu liu ona buat ida la iha”, dehan Martino Falo iha Postu UPF Citrana (01/02/2024)”

Nia hatutan sira hanesan povu ki’ik rona ida-idak mai ho nia promesa oioin maibe la realiza, sira mos konfuzaun tanba saida karik mak dezenvolvimentu ba sira la iha hanesan sentru saude, estrada, eletrisidade mos latama

“Ha’u moris  no hela iha Naktuka kuandu boot  sira mai ha’u haree ho matan la’os rona de’it boot ida mai ami hato’o preokupasaun, ida mai ami sempre hato’o beibeik maibé saukati de’it too seidauk asesu buat ruma, Martino Falo Kestiona”

Falo hateten governu ida ne’ebé mak sa’e ba ukun hanesan de’it husi kedas 2005 sa’e mai povu Naktuka nunka asesu ba edukasaun, saúde, infraestrutura to’o de’it agora sira atu hato’o tan liafuan ruma ba governu baruk ona

“Ita moras mak kuandu mota boot ne’e ita hein mate de’it, tanba o atu ba iha ne’ebé ambulánsia labele ba tula ita, dehan Martino Falo”

Iha fatin hanesan Tomas da Costelo esplika iha Naktuka la iha eskola tenke lori sira nia oan hakur mota eskola iha Citrana

“Ami nia oan sira hela Naktuka mak ba eskola iha Citrana kuandu tempu udan boot ami nia oan sira la ba eskola tanba mota boot, tempu bailoron labarik sira lao mesak maibe udan oituan ami tenke antar sira too mota Sorin, dehan Tomas da Costelo iha Postu UPF Citrana (01/02/2024)”

Tomas hatutan estudante husi Naktuka ba eskola iha Citrana kuaze distansia kilometru tolu, sira  tenke sai husi uma iha tuku 06:00 madrugada komesa lao ba eskola ona, Maibe inan aman mos haree ba klima tempu udan tun sira tenke akompanha oan sira ba mota sorin, tanba iha tinan 2008 no 2010 akontese mota ne’e lori ema husi Citrana ba halo Natar iha Naktuka

“Ami antes ne’e husu ona atu tau eskola no postu saude ida iha Naktuka ba governu maibe dehan fronteira seidauk di’ak estadu labele halo estrada, listrik mos seidauk bele tama dehan, Tomas”

Komunidade ne’e haktuir iha Naktuka uma-kain 74 ne’e hotu-hotu sidadaun Timor husi aledeia Manan, suku Bene Ufe sira iha hotu kartaun eleitoral nune’e kada tinan lima ezerse sira nia direitu ba tuir eleisaun

“Udan semana ida tomak mak la fo fatin labarik sira la ba eskola, ita haree ba mota mak seidauk boot lori kedas labarik sira nia sasan ba hela vizinho  iha Citrana depois mota normal  mak ba fali Naktuka tanba eskola SD, SMP, iha  hotu Citrana SMA ba Oe-Cusse dehan Tomas”

Print Friendly, PDF & Email

LEAVE A REPLY

Please enter your comment!
Please enter your name here