Home Notisia Xefe Suku Bene Ufe: Monta Estaka 76 Iha Naktuka La Involve Autoridade...

Xefe Suku Bene Ufe: Monta Estaka 76 Iha Naktuka La Involve Autoridade Lokál, Hein Deit Desizaun Nivel Altu

7064
0
Autoridade Lokál Suku Beneufe, Postu Administerativu Nitibe (RAEOA), Marcos Mine. [Foto: Neon Metin | 01.02.2024]

Reportajen Ekipa Neon Metin

Relasiona ho estaka 76 ne’ebé maka monta iha Komunidade nian natar no toos iha bairo Naktuka, Suku Beneufe, Postu Administerativu Nitibe no Reijaun Administrativu Espesial Oekusse Ambeno (RAEOA), ne’e la involve Autoridade Lokal Suku Beneufe no komunidade sira iha Naktuka.

Autoridade Lokál Suku Beneufe, Postu Administerativu Nitibe (RAEOA), Marcos Mine, hateten, Preokupasaunhusi komundade bairo Naktuka maka estaka ne’ebé maka iha fulan Novembru 2023, ekipa negosiadór fronteria sira ba monta estaka iha komunidade sira nia toos no natar. Ekipa tekniku sira ne’e mai monta estaka ne’e la involve Auotidade lokal sira. Tanba ne’e hein deit husi dezisaun nivel altu sira.

“Sira mai ami labele involve iha ekipa survei, ne’ebé hau mós la komprende buat ida sukat rai ne’e. estaka tau ne’e hau la hatene. kanu ne’e hau la husu, ita partesipa mos sira dehan so ekipa deit, tanba orsida ita lori lia ba tun sae dalaruma telefone ba komunidade sira sorin ne’e problema. Mas hau la fóti desiaun katak rai ne’e ita nian no rai ne’e sira nian, hau hein rezultadu husi nivel altu,” dehan Autoridade Lokál Suku Beneufe Marcos Mine, ba Jornalista sira iha Naktuka, Kinta 1/02.

Nia haktuir tan, iha istoria tinan 1904, rai Naktuka ne’e tama ba iha area Timor-Leste nian, tanba ne’e komunidade sira iha Beneufe ne’e la sibuk besi kanu ne’ebé maka ekipa Negosiadór fronteria sira monta iha komunidade sira nia toos no natar sira ne’e.

“Antes atu fó rezultadu, ami la konkorda nu’udar autoridade, lia nain, igreja no veteranu, ami la konkorda  tanba istoria Timor-Leste ho Indonesia, ita hatene 1904 ne’e bazeia ba ida ne’e, markasaun Noem Naha (Mota tua) no ida Mota Noel besi ne’e ikus, ami bazeia ba ida, ami larametin ba istoria ida ne’e maka ami la sibuk kanu sira ne’ebé maka sira tau,” nia esplika.

Komunidade Beneufe Rafael Cohen Abi, nu’udar natar nain iha Naktuka, hateten, ekipa negosiadór fronteria lori nia tekniku sira mai monta besi kanu iha toos no natar komunidade nian, ne’e la involve komunidade sira iha ne’e no la halo konsultasaun komunidade sira iha ne’e, bainhira monta hotu ona maka komunidade sira hatene deit.

 “Ekipa tekniku sira mai monta estaka iha ami nia natar ne’e ami la hatene no laliu husi konsultasaun ba, lideransa kultura nian, Autoridade lokal no komunidade sira iha Beneufe liuliu natar nain sira iha Naktuka,”nia esplika.

Lia nain Suku Beneufe Antonio Tolan haktuir iha Naktuka ne’ebá ne’e komunidade uma kain 77 maka hela ne’ebá ne’e uluk behalan nian tempu kedas sira hela ne’ebá ona, to’o agora, no komunidade sira halo toos no natar iha ne’ebá tanba rai ne’ebá ne’e produtivu ba Agrikultura.

No Komunidade sira hela iha ne’ebá ne’e laiha problema kona-ba  fronteira Naktuka  maibé agora maka foin akontese problema kona-ba fronteria. No ekipa sira mai monta estaka ne’e mós laiha konsultasaun husi lian nain no komunidade sira, hakfodak estaka foun mota hotu ona iha nakatuka ne’ebá.

“Sira mai monta estaka ami la hatene, sira mós la konsluta ami.  Estaka foun ne’e tau ona maka ami hakfodak tanba la konsulta lian nain sira no ema nain suku Beneufe no suku 18 mós la hatene  tanba la konsulta sira, hakfodak estaka foun monta hotu tiha ona,” nia dehan

Print Friendly, PDF & Email

LEAVE A REPLY

Please enter your comment!
Please enter your name here