Home Notisia Covid-19, Supermerkadu Kmanek Hapara Traballador Nain 37, Juvita: Iha EE Buat Hotu...

Covid-19, Supermerkadu Kmanek Hapara Traballador Nain 37, Juvita: Iha EE Buat Hotu Klot Mai Ami

471
0
traballador Juvita de Jesus Almeida. [Foto: Francisco JDA | 06.05.2020]

Reportazen Zevonia Vieira

Kompania supermerkadu Kmanek iha Plaza hasae traballador nain 37 iha loron 9 Abril 2020. Liu hosi konferensia imprensa iha centru media FONGTIL, traballador Paulo da Costa Gomes ne’ebe mak hetan para hosi komapnia Kmanek hateten hamutuk nain 37 hapara hosi kompania nain.

“Lori mai iha ne’e ami atu identifika deit ami nia an katak hosi 37 pesoal ne’ebe sira hapara iha loron 9 Abril 2020 iha situasaun Covid-19 ne’ebe ameasa mundu tomak, maibe mos ameasa situasaun ekonomia iha mundu, ne’e impaktu tebes mai ita hotu no ami”, hateten Paulo iha FONGTIL 06/05.

Paulo hatutan durante Estadu Emerjensia (EE) governu bandu kompania sira atu labele hapara nia traballador sira no kompania sira laiha direitu sem razaun, maibe realidade sai oinseluk.

“Bainira hapara ami, iha loron 27 Abril ami nia patraun desidi katak sei halo pagamentu foun atu lao tuir dalan ne’ebe nia dehan, maibe ida ne’e la apar ho patraun nia lia fuan.Tuir promesas hosi patraun katak nia sei selu ami kada fulan durante fulan 6 nia laran to’o pagamentu remata, maibe iha loron 30 Abril, ami marka prezensa atu simu ami dignu ne’ebe iha, ami la satisfas tanba pagamentu ne’e la tuir regras ne’ebe iha. Ami la hetan ekilibru no ami nia pagamentu la hanesan, ami ezije katak ami nia pagamentu ne’e dalarua deit. Ami sai la ho dignu, ami husu ba governu atu kria Lei ida ne’ebe bele asegura ami, liu-liu iha situasaun estadu emerjensia no moras Covid-19”, hateten Paulo.

Iha fatin hanesan traballadora Juvita de Jesus Almeida mos konfesa katak sente la justu tanba kompania hasae sira la tuir regras ne’ebe mak iha.

“Ami nia patraun hapara ami iha situasaun estadu emerjensia no laiha vensimentu. Hau moris klosan maibe hau lori naha todan tenke hare alin sira nia eskola. Iha situasaun estadu emerjensia buat hotu klot mai ami”, hateten Juvita.

Kontratu entre traballador ho kompania nain iha ne’ebe mensiona katak serbisu interminadu ka permanente, laiha data determinadu. Total hosi 37 traballador ne’e kompostu hosi feto nain 7 no mane nain 30.

Bainhira Neon Metin hasae nutisia ne’e sedauk halo konfirmasaun ho kompania supermerkadu Kmanek.

LEAVE A REPLY

Please enter your comment!
Please enter your name here