Home Notisia Traballador Domestika Sira Hetan Impaktu Hosi Covid-19, WWCTL: Lei Tenke Hatuir Prinsipiu...

Traballador Domestika Sira Hetan Impaktu Hosi Covid-19, WWCTL: Lei Tenke Hatuir Prinsipiu Igualdade

431
0
Koordenador WWCTL Elizabeth Araujo iha centru media FONGTIL. [Foto: Francisco JDA | 06.05.2020]

Reportazen Zevonia Vieira

Moras surtu Covid-19 nudar inimigu ba ema nia saude no mos fo impkatu boot mos ba ekonomia. Covid-19 ne’ebe bele hadaet virus hosi ema ida ba ema seluk ho lalais, governu Timor-Leste foti desizaun hodi implementa Estadu Emerjensia, ho nune’e bele halo asaun preventivas iha komunidade.

Saida mak akontese ba maluk trabalhador domestika no sira ne’ebe mak serbisu iha kompania boot sira, tanba tenke hetan para hosi serbisu?

Liu hosi konferensia imprensa Koordenadora Working Women’s Centre Timor-Leste (WWCTL), Elizabet Araujo inform aba jornalista sira katak ho Estadu Emerjensia no Covid-19 fo impaktu boot ba trabalhador domestika sira ne’ebe WWCTL kategoria nudar seitor informal.

WWCTL halao ona nia serbisu durante ne’e sira iha 218 traballador domestika ne’ebe mak rezistu no fo kapasitasaun ba sira.

Hanesan NGO ami nia papel so fo kapasitasaun no halo advokasia ba sira, wainhira sira iha disputa ami refere ba sindikatu trabalhador Timor-Leste.

Informasaun ne’ebe WWCTL rekolha katak durante Estadu Emerjensia iha ema nain 78 ne’ebe hetan impaktu hosi Estadu Emerjensia,  ne’ebe labele serbisu tanba empregador mos laiha rendimentu iha situasaun Covid-19 no labele selu sira.

“Domestic Workers sira balun hela ho sira nia xefe no balun hela iha sira nia uma mak ba halo serbisu, tanba ne’e mak sira ne’ebe hela iha liur. Ba sira ne’ebe serbisu temporaria depois Governu deklara EE, ne’e sira la hetan salariu no sira hein kontaktu nafatin apakah empregador hakarak selu sira ou kontinua bolu sira atu ba serbisu hanesan domestic worker ka trabalhador domestika, ne’e hahu hosi Abril to’o Maiu sira iha ema nain 56. Serbisu nafatin no hamenus oras tuir artigu 15 Lei Laboral iha Domestic Worker nain 4”, hateten Elizabeth iha FONGTIL, 06/05.

WWCTL ne’ebe durante ne’e serbisu besik liu ba trabalhador domestika sira no sempre fo formasaun ba sira, rekomenda ba governu atu kria Lei espesifik ba trabalhador domestika sira hodi bele proteje sira, tanba iha Lei Laboral sedauk iha Lei espesifiku ba trabalhador domestika sira.

WWCTL rekomenda  Lei tenke hatuir prinsipiu igualdade, traballador demostiku mos traballador, embora serbisu ne’e halao iha uma laran (domestiku) no empregador nudar individu ka familia ida laos kompania, sira nia tarefa serbisu tenke kosnidera no hetan valor nudar serbisu ida.

“Kumpri obrigasaun apropozitu direitu feto bazeai ba CEDAW artigu 11, parte estadu sira tenke hola medida hotu atuhalakom diskriminasaun kontra feto iha area empregu nian, atu nune’e garante direitu hanesan, hodi bazeia ba igualdade entre feto no mane no bazea ba prinsipiu igualdade”, hateten Koordenadora WWCTL

Iha artigu 2 Lei Laboral no.4/2012 mensiona katak traballador domestika sei regula iha Lei espesifiku ida, maibe to’o ohin loron sedauk realiza. Lei espesifiku ba traballador domestiku tenke inklui mos  direitu ne’ebe hanesan ho direitu hosi traballador setor formal ne’ebe hetan garantia hosi Lei Laboral.

LEAVE A REPLY

Please enter your comment!
Please enter your name here