Reportajen Joselina dos Santos
Comissão Nacional de Eleições (CNE), submete akta rezultadu provizóriu apuramentu nasional eleisaun Parlamentar nian be supremo Tribunal Rekursu atu halo valiadasaun durante 72 oras depois fó sai rezultadu final ba iha públiku.
Hafoin remete akta rezultadu provizóriu ba supremo Tribunal Rekursu Prezidente CNE Jóse Agustinho Belo hateten, servisu CNE remata, ona tanba laiha reklamasaun ka rekursu ruma nune’e dokumentus hotu submete ba Tribunal oan atu halo nanálize depois deklara sai kona-ba rezultadu tanba tempu legál liu ona signifika laiha rekursu ruma servisu hotu-hotu lao diak transparensia no sira simu rezultadu ida ne’e maibé tuir lei tenke liuhosi Tribunal atu halo valiadasaun durante 72 oras bele to’o iha ne’ebá bele mós liu konforme Tribunal Rekursu.
“Prosesu no eleisaun remata ona nune’e submete ba Tribunal tanba ne’e sira nia servisu, CNE kontinua servisu nafatin halo avaliasaun nasional ba servisu balun ne’ebe ita presiza hadia kualidade tuir rekomendasaun observadóres Nasional, Internasional no mós partidu balun iha kritika ita akumula katak servisu lao ho diak no ita hatudu ona responsabilidade”, dehan, Prezidente CNE, Jóse Agustinho Belo, Hafoin remete akta rezultadu provizóriu eleisaun Parlamentar ba iha Tribunal Rekursu iha Edifisiu TR Kaikoli, Kinta 01/06.
Nia esplika, reklamasaun kona-ba kampaña no prosesu votasaun nian kazu hotu-hotu hamutuk 11 administrativu ami resposta ona no ida 4 mak CNE partisipa ba Ministeriu Públiku atu halo investigasaun kle’an, sei iha prosesu nia laran tanba ida ne’e kabe ba orgaun seluk, maibé CNE akompaña nafatin no apoiu atu dokumentus balun ne’ebe bele ajuda no klareza no informa ba ema sira ne’ebe halo keixa atu nune’e iha responsabilidade no sira moz kontente ho prosesu.
“Partisipasaun ema ho defisiensia menus iha sentru votasaun tanba la asesivel, ida ne’e ami rekoñese tanba sosiedade hotu-hotu halista ita hotu haree, maibé, tanba aprovasaun lei ne’e tarde la konsege promulga tanba ne’e sai hanesan impendimentu ida, maibé ita esforsu katak eleisaun tuir mai ita esforsu tanba parlamentu mós konkorda tanba ne’e hau hanoin sira bele triste agora maibé tempu tuir mai sira sei kontente tanba aprende ona akumula prosesu”, nia informa.
Nia hatutan, CNE tenta ona karik sira hotu konkorda muda lei fasil, tanba tempu sei iha to’o novembru tanba ne’e parlamentu sei deputadu/a sira tenke tau konsiderasaun ba prosesu ida ne’e, sé tama ona sai membru sira mós tenke aprova ona dukumentus sira Nasoens Unidas nian, laiha tan dalan seluk, fó tempu ba sira no fó tratamentu ba ema hotu hanesan nu’udar sidadaun.
