Home Notisia Oxfam-APFTL Organiza Espozisaun Juveníl Investe Iha Setór Produtivu Hodi Diversifika Ekonomia

Oxfam-APFTL Organiza Espozisaun Juveníl Investe Iha Setór Produtivu Hodi Diversifika Ekonomia

474
0
APFTL ho Oxfam halo espozisaun juvenil iha SEJD. [Foto: Rossmerry | 11.11.2021]

Reportajen David da Costa Gusmao

Oxfam iha Timor-Leste servisu ho Alumni Parlamentu Foinsa’e Timor-Leste (APFTL) realiza expoziasaun hodi promove produtu joven sira nian ho  tema “Investe iha setór produtivu hodi Diversifika Ekonomia”.

Diretor Country Oxfam iha Timor-Leste Fausto Belo Ximenes hateten, eventu espozisaun ne’ebé mak koletivu mak promove produtu juventude sira nian, ne’ebé mak joven sira rasik prodúz iha Timor-Leste.

“Espozisaun ida ne’e ami servisu hamutuk ami nia parseiru APFTL, hodi organiza atu bele kria espasu ida ba joven sira, atu bele sira hato’o sira nia produtividade, inovasaun, hodi bele fasilita sira hodi hatutan sira nia lian ba iha na’in ulun sira. Entermus sira nia inovasaun, produsaun no kontribuisaun, jeralmente kontribuisaun ba iha deznvolvimemto nasaun  ne’e nian,” nia dehan Fausto iha SEJD, Kuarta 10/11.

Nia explika  oxfam  Iha Timor-Leste nia servisu importante  mak dezenvolvimentu ekonomia sustentável liu husi influensia kontribuisaun nivel polítika sira  nian  ba iha kontribuisaun ba  iha  setór ekonomia no setór produtivu jeralmente. Entaun ba oin Oxfam sei kontinua serbisu hamutuk ho APFTL no parseiru sira seluk, atu kontinua servisu hamutuk ho komunidade, grupu sira no ema vulneravel sira atu nune’e kontinua promove sira nia produtu sira.

Iha fatin hanesan Prezidente Alumni Parlamentu Foinsa’e, Zaulino Gomes da Silva, hateten iha ambitu komemorasaun 12 Novembru, uluk joven sira luta ba libertasaun da patria, no agora  hakarak promove  depois de independénsia joven sira seluk halo saida, halo eventu ida ne’e atu hatudu joven nia papél iha  dezenvolvimentu nasionál.

“Ita hatudu ba públiku katak laos sosiedade nia prega ba joven sira sempre dehan joven mak autór ba konflitu, joven mak sempre halo buat ida ne’ebé  la diak hela de’it. ita hakarak joven sira ne’ebé iha poténsia hola parte iha atividade produtiva, ita la hateke hetan oinsá promove sira nia inisiativa, entaun iha sekuénsia ida ne’e hakarak hatudu joven sira nia inisiativa no kriatividade oinsá hola parte iha setór produtivu, setór agrikultura, setór turizmu  sira ne’e,” nia esplika.

Nia dehan joven sira hahú ona foti inisiativa ida kontribui ba ekonomia nasaun nian, liu husi atividade produtiva sira hanesan ne’e. Ho nune’e APFTL hamutuk ho OXFAM fornese espasu espozisaun ida ne’e ba  joven sira, atu sira bele  hatudu sira nia produtu, atu nune’e parte relevante sira  haree joven sira nia  abilidade, no  ministériu sira mós bele haree, atu halo investimentu hodi foti ida ne’e sai hanesan rekursu sira hanesan ne’e sai potensiál ba nasaun ne’e nian.

Nune’e mós grupu Corner Store Network Baguia, Joana Guterres Gusmão sente kontente tanba bele mai partisipa iha espozisaun ne’e hodi bele promove produtu sira ne’ebé mak grupu ne’e rasik prodúz.

“Produtu ne’ebé mak ami grupu ne’e lori mai, hodi partisipa iha espozisaun mak tomate budu, mina virjen, kulu jaka maran, ai-manas ai-leten, kinur, ai-nanas maran. Produtu hirak ne’e ami hola husi ita nia komunidade nia mak  produz fali”, nia esplika

Entretantu partisipa iha espozisaun ida ne’e mai husi munisípiu Aileu, Ainaro, Baucau, Dili no Ermera, grupu hirak ne’e mai ho sira nia produtu rasik.

Print Friendly, PDF & Email

LEAVE A REPLY

Please enter your comment!
Please enter your name here