Home Notisia RENETIL Fo Homenajen Ba Saudozu Jojo “Lases”, Memoria: Lases Hatan Ba Juiz,...

RENETIL Fo Homenajen Ba Saudozu Jojo “Lases”, Memoria: Lases Hatan Ba Juiz, Tim-Tim Harus Merdeka

2657
0
Sekjen RENETIL Juaquim FOnseca "Russuo" hamutuk membru RENETIL sira fo homenajen ba Saudozu Lases. [Foto: Francisco JDA | 30.05.2020]

Reportazen Francisco JDA

Organizasaun Resistência Nacional dos Estudantes de Timor-Leste (RENETIL), presta homenajen ba saudozu Egas Jose Dias Monteiro ho naran kodigu “Lases” iha sede RENETIL Farol iha loron 30/05.

Saudozu ho naran konnesidu Jojo simu juramentu nudar membru RENETIL iha Unidade Estratejikada Resistensia (UNER Kabalaki) Surabaya, nune’e iha loron 19 Novembru 1991, saudozu Jojo Monteiro “Lases” nudar representante hosi UNER Kablaki, hodi ba hamutuk ho kompaneiu da luta e’ebe estuda iha Jawa Bali, hodi halo demonstrasaun iha Perwakiln PBB, Embaixaa Japaun no Australia iha Jakarta, hodi kondena makaas Masakre Santa Cruz 12 Novembru 1991 no violasaun oin-oin ne’ebe regime military Indonesia halo hasoru Juventude Loriku Aswain no povu Maubere.

Konsekuensia hosi demonstrasaun hirak ne’e mak halo saudozu kompanheiru “Lases” hamutuk kompanheiro nain 71 hetan kaer no hatama iha sela POLDA Metro Jaya Jakarta.

Saudosu Jojo Monteiro “Lases” nudar juventude ida hosi sira nain 3 (Jojo Monteiro, Nono Canelas, no Ito Belo) ho idade neebe kiik liu, entre manifestante 19 Novembru 1991 no hatudu ona sira nia aten brani, nudar juventude Maubere, mesmu iha presaun nia okos durante prosesu interogatorio iha Rumah Tahanan Polda Metro Jaya.

“Iha Sela laran saudosu kompanheiro Jojo Monteiro “Lases” ho aten brani husu kompaneiro sira seluk, atu fakar gazolina ba ninia isin no sunu hodi hatudu ba mundu katak, povu Maubere hakarak ukun rasik an. Aktu ida nee hafanun fali kompanheiro sira seluk, neebe komesa kolen tanba presaun iha detensaun”, tuir istoria ne’ebe hateten iha nia biografia.

Maske nia ohin husik ona mundu, kompanheiro Lases rai hela memoria lubuk ida hosi nia partisipasaun iha funu. Nudar sasin ida ba saudozu kompanheiro Fernando de Araujo “LA SAMA” iha Tribunal Metro Jakarta, halo juiz sira hare saudosu idade nurak demais no sira dehan “Kamu ini anak kecil, tidak tahu tentang sejarah integrasi Timor-Timur”,

Saudosu nia resposta ba Juiz nunee “Betul pada tahun 1975 usia saya memang baru 4 tahun, seperti halnya Mickael Gorbachev yang lahir dan besar sebagai politikus Uni Soviet pada saat pendahulungnya, tidak berhasil memimpin partai Komunis, Gorbachev melihat bawah faham komunis sudah tidak cocok pada jaman ini,  kemudian Gorbachev melalukan perubahan dengan mencetuskan dan melahirkan faham baru ya itu GLASNOT dan PRESTOIKA. Hal tersebut sama halnya dengan saya, tumbuh besar dan belajar tentang integrasi, saya sepikiran dengan Gorbachev bawah INTEGRASI sudah tidak cocok  buat rakyat TIMTIM, jadi hari ini juga saya mau TIMTIM Merdeka, sambil ketawa pak hakim menjawab “ WAH KAMU CUKUP PINTAR JUGA YA”

“Ohin saudosu Lases husik hela ita hotu, maibe nia husik hela nia valor lubun boot ida, valor nudar foinsa’e Timor ida, hosi espiritu patriotismu no nasionalismu ne’ebe as iha luta libertasaun nasional”, haktuir iha nia biografia.

Nia nudar ema kombatente ida iha nia vida tomak, partisipa iha demostrasaun, perseguido no tama kadeia, maibe nunka deziste hosi luta. Nia ema ida neebe iha determinasaun, dedikasaun no abnegasaun makaas, ema ida sempre tau uluk interese komun iha oin, duke interese pesoal.

Saudozu Jojo Monteiro “Lases” ema ida simples, aten brani no sempre hamnasa ba ema hotu. Ohin ita halot nia isin, maibe lahakoi ninia mehi, lakohi valores diak neebe nia iha. Mehi no valores kontinua moris no buras iha familia.  Kompanheiro da luta hotu nia memoria hosi jerasaun ba jerasaun.

LEAVE A REPLY

Please enter your comment!
Please enter your name here