Home Notisia Subsidiu 60%, TRABALIAN Ezije Ba Kompania nain Sira Trata Trabalhador Sira nia...

Subsidiu 60%, TRABALIAN Ezije Ba Kompania nain Sira Trata Trabalhador Sira nia Seguransa Sosial

756
0
Sindikatu Trabalahador ba Libertasaun Nasionál. [Foto: Francisco JDA | 29.05.2020]

Reportazen Francisco JDA

Relasiona ho rekoperasaun ekonomia ba trabalahdores sira hosi 60% maibé too oras ne’e seidauk iha informasaun lolos ba trabalahdores sira.

Liu hosi konferensia imprensa Sindikatu Trabalahador ba Libertasaun Nasionál (TRABALIAN) deklara ba kompania tomak atu reponsabiliza no trata trabalhador sira nia numeru TIN ba seguransa sosial. No konta bankaria, nune’e bele asesu subsidiu rekoperasaun ekonomia

Secretario Jerál TRABALIAN, Agripino Marcal ba jornalista sira hateten, hafoin dekretu seguransa sosial ne’e aprova aplikasaun ba kompaniaa hotu, tenki trata dokumentu seguransa sosial ba trabalahdores hotu iha Dili inklui municipiu sira.

“Hanesan Sindikatu foti responsavel no lori prosesu nee la’o ba oin, maibé la iha solusaun ne’ebé mak serteza lolos ba trabalahdores sira, Dekretu Lei ne’e sai tiha ona maibé implementasaun la rigrosu entaun fo oportunidade ba kompania ka patraun sira, atu halo violasaun ba trabalahdores iha servisu fatin, liu liu iha estadu emergencia ne’e”, hateten Agripino iha salaun HASATIL Farol, 29/05.

Agripino hatutan trabalhador sira barak mak afetadu ba dekretu Lei no.16/2020 ba seguransa sosial, “ami reprezenta kompania 20 ne’ebé afeta iha situasaun emergencia, hosi númeru pesoal ne’ebé mai hato’o keixa iha TRABALIAN hamutuk Kompanha 19”.

Trabalhadores ne’ebé afetadu ba Dekretu lei 16/2020 Seguranca sosial ne’e barak liu servisu iha bengkel, armazen, cleaner no seguransa, tanba ne’e mak Trabalian husu ba Estadu atu hatur subsidiu ne’e ba trabalahdores hotu. Wainhira estadu la trata trabalhador sira, sei lori prosesu ba oin tanba trabalhador sira  mak sai makina ba roda ekonomia.

Iha Fatin Hanesan Trabalhador hosi Kompania Perisos, Merito da Costa Belo ba jornalista sira esplika, hetan esplikasaun hosi manajer sira katak sei la hetan subisidiu. Merito hato’o nia sentiment katak durante fulan 3 nia laran, konsege moris iha susar nia laran.

“Kompanha dehan imi la iha subsidiu, tanba servisu full no normál durante estadu emergencia, ema ne’ebé mak la serbisu mak nia bele hetan”, tenik Perisos Merito Da Costa Belo.

LEAVE A REPLY

Please enter your comment!
Please enter your name here