Reportajen David da Costa Gusmao
Porta voz ba Komisaun Interministeriál ba Implementasaun Vasina Covid-19 iha Timor-Leste, Doutora Danina Coelho informa, kampaña vasinasaun primeiru doses iha Timor-Leste atinje ona ba iha 76,4% no iha segundu dozes ne’e atinje ona ba iha 51,0%.
“Ami sente haksolok tebes ita bele atinji ona etapa importante ida ba ne’ebe ita halo ona kobertura liu 76,4% ba dose dahuluk no 51,0% ba dose daruak ba populasaun ho tinan 18 ba leten. No mos ita inisia ona vasina ba labarik sira tinan 12 anos ba leten redusaun makas iha numeru infesaun grave Covid -19,” dehan Dra. Danina Coelho, liu husi komunikadu Imprensa iha MSSI kaikoli, Kuinta 11/11.
Nia hateten maibé pandemia ne’e seidauk remata no ema sira ne’ebé mak seidauk simu vasina sei vulneravel nafatin atu hetan infesaun no iha risku bo’ot atu nessesita tratamentu iha Hosppital no bele resulta mos ho mate.
“Vasina COVID -19 nian prova ona katak bele redus impaktu moras ne’e no ita hare’e mos evidensia ne’e iha Timor-Leste, komesa husi kazu moras ne’ebé mak redus no mos impaktu ne’ebe kma’an ba sira ne’ebé hetan COVID -19. Tan ne’e ami husu ba sira hotu – hotu ne’ebé mak elijivel atu mai simu vasina Covid -19 no labarik sira husi tinan 12 ba leten ne’ebe iha munisipius Dili atu mai simu mos sira nia vasina,” tenik nia.
Nia esplika, Oampaña vasinasaun ba labarik ho idade 12 too 18 mai kraik inisia iha 27 Outubru 2021 100,620 doses ne’ebé mai husi COVAX. Labarik hamutuk 35.9%, ne’e ema hamutuk 15, 002 mak simu ona sira nia primeira dose . Faze ida ne’e kampaña Pfizer ba labarik sira sei foka uluk deit iha Dili, maibe tuir mai sei lori mos Pfizer ba iha munisípiu hotu iha Timor laran tomak.
Entretantu dadus husi Komisaun Interministeriál ba Implementasaun Vasina Covid-19 iha Timor-Leste katak iha Timor- Leste simu ona dose primeiru iha 76’4% no dose segundu 51.0 %. Iha munisípiu Covalima dose primeru iha 93,0% no segundu 62.8 %.
Iha Viqueque dose primeiru 90,7% no segundu 60.0 %. Iha Dili dose primeiru 83,4% no segundu 74.2 %. Iha primeru dozes 82, 3% no segundu 60.6 % ZEEMS ( Oecusse ). Baucau primeru dose 80,0% no segundu 48.8 %. Iha Manatuto dose primeru 76,5% no segundu 42.9 %. Iha Manufahi primeru dose 75,3% no segundu 34.4 %.
Iha Lautem primeru dose 70.7% no segundu 38.3 %. Iha Aileu dose primeru 70,0% no segundu 31.8 %. Iha Ainaro dose primeru 68,3% no segundu 28.9 %. Iha Bobonaro dose primeru 63,6% no segundu 34.5 %. Iha Liquica dose primeru 63,1% no segundu 35.0% no Ermera iha dose primeru 59,8% no segundu 26.9%.
“Ami husu mos ba ema tomak atu kontinua pratika nafatin metodu prevensaun sira hanesan fase liman, uza masker , mantein distansia fíziku minimu entre ema sira iha fatin publiku, no evita atu hakat fronteira ilegalmente atu nune’e ita bele hapara ema hada’et virus ne’e ba ema seluk,” haktuir nia.
To’o data ohin nian, Timor – Leste rejista ona kazu COVID – 19 hamutuk na’in 19,804 , no rezulta ona iha mate hamutuk na’in 122.
