Home Notisia Aldeia 5 Iha Suku Beco-Kovalima La Asesu Eletrisidade, Estrada Aat, Rede Telefone...

Aldeia 5 Iha Suku Beco-Kovalima La Asesu Eletrisidade, Estrada Aat, Rede Telefone no Bee Moos

670
0
Xefe Suku Beco, Arlindo Bernadino Lemos. [Foto: Umbelina | 10.12.2021]

Reportajen Umbelina dos Reis

Komunidade aldeia 5 iha Suku Beco, Postu Administrativu Suai Vila, Munisípiu Kovalima to’o oras ne’e seidauk asesu liña eletrisidade, hahú husi tempu Indonézia.

Tuir Xefe Suku Beco, Arlindo Bernadino Lemos katak, komunidade aldeia 5 hanesan Halik, Teda, Leowalu Gala, sub aldeia Bibel, inklui sub aldeia Diluhilin mak seidauk asesu ba liña eletrisidade ne’e.

“Aldeia 5 ne’e sedauk asesu eletrisidade, to’o agora komunidade hirak ne’e sei moris iha nakukun laran”, tenik Xefe Suku Beco, Arlindo Bernardino.

Líder komunitáriu ne’e hatete aldeia lima iha Suku refere, iha tempu okupasaun Indonézia to’o mai Timor-Leste hetan indepedénsia, maibé komunidade sira sidauk asesu ba bee-moos no eletrisidade inklui rede telefone to’o oras ne’e.

Arlindo Bernadino mos hato’o kondisaun estrada aat bainhira tempu udan boot hodi fo risku ba komunidade sira nia movimentasaun liu-liu ba transporte públiku sira.

Suku Beco iha Aldeia hamutuk sanulu resin ida (11), ho total populasaun 1,156.

Print Friendly, PDF & Email

LEAVE A REPLY

Please enter your comment!
Please enter your name here