Reportajen David da Costa
Professores kontratadu hamutuk 1.449, husu ba Presidente Republika José Ramos-Hosta ajuda solusiona ba professores sira nia problema liga ho estatuto ne’ebé la tha serteza no karik bele fó hanoin ba Ministra Edukasaun atu bele konsidera mos Professores kontratadu 2023.
“Ho haraik a’an ami husu ba Presidente Republica de Timor-Letse, José Manuel Ramos-Horta ho estimadu ami bolu “Avo Ramos” atu ajuda solusiona ami professores sira nia problema liga ho ami nia estatuto ne’ebé la iha serteza no karik bele fó hanoin ba Ministra Edukasaun atu bele konsidera mós ami bele tama iha regime ingress espcial tuir decreto lei n° 31/2023, capitulo i, artigo 11 ne’ebé nain presidente rasik promulga ona,” dehan Porta Voz Professor kontratadu 2023, Amalia Rordrigues Ximenes liuhusi Komunidadu Imprensa iha Jardin 5 de Maiu Kolmera, Tersa 19/09.
Nune’e mós husu ba Primeiro Ministro Governo Da-IX Kayrala Xanana Gusmão atu bele rona no tulun professores kontratadu 2023 nian hodi fo orientasaun ba Ministerio Edukasaun atu là bele hapara kontratu no sebele konsidera Professores sira ne’e mós ba iha regime ingresso espcial tuir Decreto lei nu.31/2023 tamba iha ona informasaun husi Ministra no Secretario Estadu atu la extende tan professores kontratu iha tinan 2024 oin mai.
“Ami husu ho haraik a’an ba Presidente Parlamento Nasional Maria Fernanda Lay no Presidente Komisaun G trata asunto edukasaun Deputado Gabriel Soares atu bele tau atensaun ba problemas ne’ebé ami proessores kontradu 2023 sira hasoru liu-liu ami nia statuto ne’ebé la iha serteza husi Ministerio da Edukasaun,” sira husu.
