Home Notisia Produsaun Fos Lokal 33.113 Ton Deit, Presija 133.974 Ton ba Konsumu Nasional

Produsaun Fos Lokal 33.113 Ton Deit, Presija 133.974 Ton ba Konsumu Nasional

202
0
Agrikultor servisu iha toos (Foto: OHM)

Reportajen ALC

Presidente Centro Logistica Nacional, Augusto Trindade Junior koalia sai Timor-Leste nia nesesidade aas ba fos iha seminar Seminariu Agrikultura ho tema, “Hasae Produsaun Fos Lokal, Konta ho Partisipasaun Feto iha loron 2 liuba (22/11), organiza hosi Oxfam Timor-Leste.

“Dadus FAO nian hatudu katak nasionalmente ita presija 133,974 tonelada fos ba konsumu ema hotu nian. Maibe iha rai laran, ita foin bele produs deit tonelada 33.113, hosi haree kulit 55.189 toneladas, “ Augusto esplika iha nia aprezentasaun.

Augusto mos esplika katak CLN halo esforsu hodi taka gap entre produsaun rai laran ho konsumu nasional, prepara intervensaun merkado wainhira hasoru fluktuasaun presu nebe la normal iha merkado, no asegura katak nasionalmente ita la falta aihan wainhira desastre naturais  akontese.

Relasiona ho hasae produsaun, Diretora Organizasaun Haburas Moris, Rince Nipu, esplika iha nia aprezentasaun katak feto sira sira hasoru dezafiu barak bainhira halo esforsu hodi hasae produsaun.

”Toos nain hetan pagamentu tinan ida dala ida deit nune’e rendementu annual husi to’os nain kada tinan dala ida deit. Toos nain hetan osan kiik kada tinan ,nune imposivel atu investe iha sira toos rasik, Minim liu investmentu mak impede atu hasae produktividade nia kuantidade no kualidade,” Rince esplika.

Rince mos esplika liutan katak Hare tonelada  ida sira hetan $ 400. Sosa Nain mai husi CACUP, MTCIA,  sosa nain independen sira husi Maliana no Dili. Maioria toos nain sira la iha transporte atu lori sira nia resultadu produtu ba merkado no hosi toos ba uma. Rezultadu husi toos, sira fa’an  iha merkado lokal/bairo. Se sira hakarak mai fan iha Dili sira tenke aluga truk ho folin $250 – $300.

“Toos nain sira menus kapasidade atu hasae produsaun hare liu husi, manutensaun toos mos utiliza adubu nebe efektivo. Menus ekipamentu agrikultura, traktor iha maibe at mak barak, falta alat kuda hare, alat koa hare, no sel-seluk tan,” Rince aumenta.

Peskija Agrikultura Oxfam nian fulan ida liuba mos hetan katak difikuldade asesu ba ekipamentu, koinesementu kona ba adubu, no asesu ba merkadu.

“Fokus group 3 ne’ebe ekipa peskija Oxfam nian halo iha Ermera, Viqueque no Oecusse hetan katak asesu ba merkadu mak dezafiu bo’ot liu ba agrikultor sira. Maibe fokus group 3 ne’e mos identifika dezafiu sira mak liga ho koinesementu utilizasaun ekipamentu no mos adubu,” Fernando da Costa, aprezentador Oxfam nian esplika.

Seminar ne’e partisipa hosi reprezentante governo, organizasaun internasional, organizasaun sosiedade sivil, no mos estudantes universitariu sira. Diretor Agrikultura, Holtikultura no Extensaun hetan konvite no aseita atu sai orador maibe la marka prezensa iha tempu seminar tanba asuntu importante seluk.

LEAVE A REPLY

Please enter your comment!
Please enter your name here