Home Notisia PR Husu Governu Urjente Hadi’ak Sistema Edukasaun Ho Kualidade Garante Futuru Dignu

PR Husu Governu Urjente Hadi’ak Sistema Edukasaun Ho Kualidade Garante Futuru Dignu

557
0

Reportajen Zevonia Vieira

“Tempu ona hodi harii eskola ida moderna, ho kondisoins atuais hodi forma profesór sira ho kapasidade, atu uza teknolojia foun sira hodi prosesu aprendizájen ba ita-nia oan sira bele lao ho kualidade di’ak ho kurríkulun ida atualizadu”. Lu Olo

Pandemia COVID-19 ne’ebe akontese tinan ida ona, fo duni impaktu ba ema nia moris, sosial no edukasaun.

Iha situasaun COVID governu husu ba ema hotu atu halo tuir protokolu saude no atu redus virus ne’e labele daet hosi ema ida ba ema seluk, nune’e eskola sira tenke taka hotu no implementa eskola hosi uma.

Liu hosi loron restaurasaun 20 de Maiu ba dala 19, Prezidente Republika, Dr. Francisco Guterres Lu Olo hateten katak estudante sira fulan hira ona labele bá eskola. Governu halo esforsu boot ida hodi garante katak labarik sira bele kontinua sira nia prosesu aprendizájen iha uma.

Maibé Prezidente Republika hateten realidade hatudu katak sistema edukasaun seidauk preparadu hodi garante katak alunu sira iha territóriu laran tomak iha asesu ba materiál no ba konteúdu aprendizájen, liuhusi internet ka televizaun. Profesór ka manorin sira mós la preparadu hodi uza teknolojia ne’ebé disponível hodi kontinua hanorin iha situasaun pandemia nia laran.

Nune’e Prezidente husu ba governu ho urjente hanoin filafila oinsá hadi’ak sistema edukasaun.

“Tempu ona hodi harii eskola ida moderna, ho kondisoins atuais hodi forma profesór sira ho kapasidade, atu uza teknolojia foun sira hodi prosesu aprendizájen ba ita-nia oan sira bele lao ho kualidade di’ak ho kurríkulun ida atualizadu no adekuadu hodi prepara futuru Nasaun-nian ho garantia no sustentabilidade. Edukasaun ho kualidade mak sei garante futuru dignu ida ba ita-nia País”, dehan Prezidente Lu Olo, 20/05.

Print Friendly, PDF & Email

LEAVE A REPLY

Please enter your comment!
Please enter your name here