Home Notisia Embaixada Australia Iha TL Selebra Loron Feto Mundial, Atinji Iguldade Jeneru Iha...

Embaixada Australia Iha TL Selebra Loron Feto Mundial, Atinji Iguldade Jeneru Iha Dekade Foun

229
0
Selebra loron feto mundial ho Embaixada Australia iha Hotel Plaza Timor. [Foto: Santina Lucia da Costa | 09.03.2020]

Reportazen Santina Lucia da Costa

Embaxaida Australia iha Timor-Leste selebra loron internasional feto nian, ho tema Atinj Igualdade Jeneru iha Dekade Foun. Iha eventu refere, Segundu Sekretaria Politika Affairs, Carolyn Skorupa hateten liu hosi loron internasional feto nian, ho objetivu selebra feto nia susesu no saida mak feto sira iha mundu tomak atinji ona iha area politika, ekonomiku, social no area seluk-seluktan.

Skorupa hateten enkoraja feto hotu, hodi bele partisipa iha aspetu iha feto sira nia moris, ema hotu hatene feto forte, nasaun forte.

Iha fatin hanesan Prezidente Rede Feto, Judite Dias Ximenes hateten, tenke enkoraja feto no mós hakbiit feto iha sira nia organizasaun hanesan CAUCUS, MOFFE, kontinua kapasita feto sira.

Prezidente Rede Feto husu ba feto maluk Timor-Leste, iha komemorasaun loron feto nian, feto hamrik hamutuk hodi luta ba igualdade.

“Ita hein katak mane sira nia partisipasaun mos maka’as, sira mós koloka sira nia an, hanesan jerasaun igualdade, hodi atinji igualdade ita nia rain”, hateten Prezidente Rede Feto, iha hotel Plaza Timor, 09/03.

Iha selebrasaun loron feto ne’e, hala’o mos diskusaun ho panelista konaba espriensia, dezafius no saida mak sai hanesan insipirasaun hodi halo mudansa bai ha igualdade jeneru ba decade ida ne’e, iha aspetu oin-oin.

Panelista sira ne’e mak hanesan Prezidente Asosiasaun Jornalista Timor-Lorosa’e (AJTL), Zevonia Vieira,  Diretóra Novalo Unipessoal.lda, Genoveva Soares, Prezidente ONG Hatutan, Natalino Guterres no Inspektora iha Ministeiru Publiku, Zelia Trindade.

Eventu ne’e partispasaun hosi Prezidente Funsaun Publiku, Nasoins Unidas, Uniaun Europeia, governu, sosiedade sivil, Rede Feto, Caucus, Movimentu Feto Foinsa’e (Moffe), Fokupers no oraganizasaun sira ne’ebé serbisu iha area Igualdade Jeneru no inkluzaun.

LEAVE A REPLY

Please enter your comment!
Please enter your name here