Home Notisia Problema Naktuka Kestaun Nasionál Tenke Defende Hamutuk, Pedrito: Ita Labele Husik Sira...

Problema Naktuka Kestaun Nasionál Tenke Defende Hamutuk, Pedrito: Ita Labele Husik Sira La’o Mesak

2585
0
Koordenador Rede ba Rai hasaii foto hamutuk ho to'os nain iha Naktuka. [Foto: Neon Metin | 03.02.2024]

Reportajen Ekipa Neon Metin

Relasiona desizaun ne’ebé ekipa negosiasaun fronteira terestre foti ba rai naktuka ne’ebé pertense ba suku Beneufe postu administrative Nítibe, monta estaka besi-kanu iha natar komunidade nian sei hamosu prejuizu moris komunidade Beneufe nian, tanba natar refere produtivu tebes ba sira atu halao moris, nunee Rebe ba Rai (RbR) simu ona informasaun neebe detallu sei nafatin mobiliza komunidade nasionál tomak hodi defende rai naktuka tanba ko’alia kona-ba fronteira ne’e problema nasionál liga soberania Republika Demokratika Timor Leste (RDTL) nian.

Koordenadór RbR Pedrito Vieira dehan, bainhira atu halo negósiu ho nasaun ida, tenke ho koñesimentu kle’an ba moris komunidade sira nian, nune’e mós komunidade sira iha Naktuka hahu brani ona, tanba sira sente katak iha ema ruma neebe lohi sira atu entrega sira nia riku soin, karik mak lohi duni sira hodi sira lakon sira nia riku soin nee halo sira uluk tauk teen sai brani hotu tanba relasaun ho sira nia kabun nomos sira nia oan ba eskola iha Dili mos depende hotu ba natar nee.

“Sira lakon rekursu ida nee sei fo impaktu ba sira nia oan no familia, haree deit ba politika governu nian nee ita husi Oecusse mai iha nee deit mos estrada la diak, infraestrutura mos ladiak, maibe sira moris ho atividade diak hela, maibe nusa make ma moris diak hela imi atu mai hamoris fali situasaun foun ida neebe halo sira iha future moris at liu tan” dehan Pedrito ba jornalista sira iha Naktuka-Beneufe, (31/01).

Pedrito dehan, sira simu ona informasaun neebe klaru liga ho kazu Naktuka, tanba durante nee iha deit mak duvida, maibe RbR iha ona terenu hodi halo rasik observasaun haree no rona rasik ona husi komunidade konaba sira nia preokuoasaun ba situasaun neebe sira enfrenta, nune  RbR sei nafatin mobiliza malu ho mos konvida media tomak, universidade no koordena  mos povu tomak no koalia mos ho governu atu halo eplikasaun ba sidadaun timor leste nunee bele halo hikas fali renegosiasaun asuntu fronteira terestre ho Indonesia.

“Hau husu ba publiku tomak katak Naktuka nee problema nasionál Timor Leste nian, no ita labele husik sira la’o mesak”, Pedrito alerta.

Nia esplika tan katak, karik uluk negosiasaun ne’e maka la’o di’ak ho ekipa Indonesia pelumenus sira mai halo peskiza ida kona-ba istória rai nian sira presiza hodi halo esplikasaun ne’ebé onestu no nakloke ba komunidade katak parte nasaun rua Timor Leste ho Indonesia dadaun ne’e halo hela negosiu hodi diside fronteira maibé sira la halo, nune’e iha tinan barak nia laran komunidade naktuka la hatene buat ida sira halo fali servisu segredu maibé iha asuntu nasionál laiha fatin atu halo fali sai segredu tenke halo esplikasaun tanba asuntu fronteira nasionál ne’e asuntu ne’ebé bo’ot tebes, nune’e RbR nafatin ho nia maneira rasik hodi halo advokasia sosiál hodi fo nafatin informasaun no konsensia nafatin ba komunidade sira Limor Leste katak iha asaun ruma ne’ebé naksalak iha ekipa negosiasaun nian.

“Karik ekipa negosiasaun defende sira nia an katak sira mak lo’os entaun RbR bele fasilita hodi mai koalia rasik ho komunidade sira, hau dalaruma admira ba komunidade sira polítika globál no nasionál sira bele komprende maskí sira la eskola maibé sira bele koalia kona-ba sira nia fronteira ne’ebé loos, hau duvida fali mak ita matenek ida eskola to’o atu ka’er fitun iha lalehan maibé bele halo fali erru boot ne’e la masuk hakal” hakotu kordenadór Pedrito.

Print Friendly, PDF & Email

LEAVE A REPLY

Please enter your comment!
Please enter your name here