Home Notisia Loron Masakre Santa Cruz, Xefe Estadu Fó Omenajen Espesiál Ba Jornalista Max...

Loron Masakre Santa Cruz, Xefe Estadu Fó Omenajen Espesiál Ba Jornalista Max Stahl

288
0
Sobrevvente sira lori imajen jornalista Max Sthal iha komemorasaun loron 12 Novembru. [foto: Santy | 12.11.2021]

Reportajen Santina Lucia da Costa

Prezidente Repúblika Dr. Francisco Guterres Lu Olo fó omenajen espesiál ba jornalista saudozu Max Stahl, tanba hafoin imajen masakre Santa Cruz ne’ebé kapta husi Max Stahl to’o iha rai-liur, mak opiniaun públika internasionál muda kona-ba situasaun iha Timor-Leste.

Iha diskursu Prezidente Repúblika, Dr. Francisco Guterres Lu Olo hateten raan fakar iha ne’e tinan 30 liubá. Hafoin imájen masakre Santa Cruz, kapta husi irmaun Max Stahl, to o iha rai liur, mak opiniaun públika internasionál muda kona-ba situasaun iha Timor-Leste.

Husi ne’e mak movimentu solidariedade internasionál ho Timor-Leste sa’e liután  no ba beibeik, ho envolvimentu maka’as husi diplomata no ativista timoroan iha Diáspora.

“Ho gratidaun kle’an tebes mak Prezidente Repúblika fó omenajen espesiál ba ita nia maun-alin murak, jornalista,  Max Stahl, iha loron ita komemora masakre Santa Cruz ba dala tolu nulu. Enkuantu ita komemora masakre Santa Cruz iha Dili, misa fúnebre no omenajen ba ita-nia irmaun eroi, saudozu Max Stahl, lao daudaun iha Brisbane Austrália.” Hateten Xefe Estadu, Francisco Guterres Lu Olo, iha Rate Santa Cruz, 12/11.

Xefe Estadu dehan ho naran Estadu Timor-Leste, Prezidente Repúblika haruka hakuak boot ba família Max Stahl nian, família eroi juventude loriku Aswa’in nian, no mós ba família hotu erois ba libertasaun nasional nian.

Iha Fatin hanesan Prezidente Committee 12 Novembru 1991, Gregorio Saldanha “Mouris” hateten, Saudozu Max Stahl ohin halo ona kremasi (sunu) nia isin lolon iha Brisbane Australia, no iha loron 15 Janeiro 2022 mak lori Max nia sinzas mai Timor-Leste.

“Ohin halo kremasi (sunu) nia isin lolon, hau hanoin prevee iha 15 Janeiro lori Max Stahl nia sinzas mai Timor-Leste ita hein katak, loron lori sinzas ne’e la muda.” Tenik Mouris

Print Friendly, PDF & Email

LEAVE A REPLY

Please enter your comment!
Please enter your name here