Home Notisia PM Informa Preparasaun OJE 2021, Seguransa Rai Laran no Programa Sesta Bazika...

PM Informa Preparasaun OJE 2021, Seguransa Rai Laran no Programa Sesta Bazika Ba PR

250
0
Primeiru Ministru Taur Matan Ruak. [Foto: Santina Lucia da Costa | 17.11.2020]

Reportazen Santina Lucia da Costa

Primeiru Ministru Taur Matan Ruak, hala’o enkontru semanal ho Prezidente Repúblika, Dr. Francisco Guterres Lú Olo hodi informa atividades governu nian konaba Orsamentu Jeral Esadu ba 2021, situasaun seguransa rai laran no governu nia atividades kona-ba sesta bazika.

Ba jornalista sira Primeiru Ministru, Taur Matan Ruak hateten atividade sira ne’ebé informa ba Prezidente Repúblikak mak konaba  Orsamentu Jerál Estadu (OJE) 2021 ne’ebé daudaun ne’e halo audénsia públika, kalendáriu ba diskusaun OJE 2021 ne’ebé Parlamentu Nasionál aviza ona ba governu hahú iha loron 1 Dezembru  diskusaun jeneralidade to’o loron 3-4 tama espesialidade.

Xefe Governu informa mos ba Xefe Estadu kona-ba situasaun seguransa rai laran nian, “ami informa jerál di’ak, mesmu iha problema kiik oan, maibé ita kontinua fó orientasaun ba Polísia Nasionál Timor Leste (PNTL), atu kontinua halo kontrolu ita nia rai laran, liu-liu ba area seguransa nian”.

Entretantu Primeiru Ministru hateten governu nia atividade kona-ba sesta bazika katak pilotajen  ba sesta bazika hala’o iha fulan Outobru, hodi haree kapasidade mobilizasaun produtu lokal ninian nudar parte planu rekuperasaun ekonomika, hodi hasae produsaun nasional.

“Prosesu agora ne’ebe lao dadauk mak pilotajen ba sesta bazika.  Foin dadauk iha fulan Outubru nia laran, agora Novembru ba oin ne’e atividade ne’e sei espande loke ba tan iha Munisipiu sira hotu inklui mos Dili”, dehan Primeiru Ministru.

Nia haforsatan katak governu sira ne’ebe envolve iha atividade sesta bazika nian mak Ministru Agrikultura no Peskas, Sekretariu Estadu Meiu Ambiente, Ministru Koordenador ba Asuntu Ekonomiku, Ministeriu Turizmu Komersiu no Industria, Sekretariu Estadu Kooperasaun no setor privadu sira.

Print Friendly, PDF & Email

LEAVE A REPLY

Please enter your comment!
Please enter your name here