Reportazen Santina Lucia da Costa
“Atual Ministru Finansas, Fernando Hanjam la kontinua asume nia kargu tanba nia kondisaun saúde la permite hodi halao kontinua serbisu”. TMR
Primeiru Ministru, Taur Matan Ruak halao enkontru semanal ho Prezidente Republika, Dr. Francisco Guterres Lu-Olo, hodi inform aba Prezidente relasiona ho Rui Gomes ne’ebe sei assume kargu nudar Ministru Finansas (MF) hodi truka fali Ministru Fernando Hanjam no sei iha tomada de posse iha semana oin, loron 23 Novembru
Ba jornalista sira Primeiru Ministru hateten konfirma ona no hatoo ba Prezidente konaba tomada de posse nian.
Xefe Governu ne’e relata katak atual Ministru Finansas, Fernando Hanjam la kontinua asume nia kargu tanba nia kondisaun saúde la permite hodi halao kontinua serbisu, “agora dadaun nia hala’o hela tratamentu saude iha Hospital Nasional Guido Valadares (HNGV)”.
