Home Notisia Daniel: FONGTIL Lansa Centru Informasaun Ba Impaktu Covid-19, CIJK Haree Liu...

Daniel: FONGTIL Lansa Centru Informasaun Ba Impaktu Covid-19, CIJK Haree Liu Ba Kazu Negativu no Positivu Deit

547
0
Diretur FONGTIL, Daniel dos Santos, Lansa Centru Informasaun ba Impaktu COVID-19

Reportajen Francisco JDA

Forum Organizasaun Naun Governamental Timor Leste (FONGTIL) halo lansamentu ba Centru  Imformasaun Impaktu Covid-19 (CIIC-19). Centru harii ho intensaun ida atu fahe imformasaun semana ida dala rua ba publiku iha loron Terca no Sexta,  hodi haree liu ba impaktu  Covid-19. Ne’e tanba haree katak Centru Integradu ba Jestaun Krise (CIJK)  ne’ebe governu estabelese so haree liu ba kazu Covid-19 no hare deit ba ema hira mak hetan negativu no positive.

Tuir Diretur FONGTIL, Daniel dos Santos, ba jornalista sira hateten, Centru  imformasaun Impaktu Covid-19  ida ne’e atu halo haree ba impaktu Covid-19 ba ema nia direitu sosial ekonomia

“Inisiativa hosi sosiedade civil, ami hakarak halo centru ida ne’e, sei halo kolaborasaun ho media sira hotu-hotu,  atu husu imi nia apoio oinsa mak atu bele presensa terca feira no sexta feira, atu nune’e antes ba iha governante sira, bele hetan uluk ona informasaun baziku hosi ami liu liu liga ho impaktu Covid-19 ba direitu sosial ekonomia nian, ” tenik Diretor Fongtil Daniel dos Santos Iha Salaun Fongtil, Kaikoli, 01/05.

Iha fatin hanesan, Kordenador Gabinete Apoio  Sosiedade Sivil, Filipe da Costa, iha nia intervensaun hateten,  halo lansamentu Centru Imformasaun  Impaktu Covid-19 liu hosi forum ida ne’e bele fahe imformasaun kredivel, livre liu tan ba komunidade sira atu hetan imformasaun, no  hetan mos imformasaun hosi komunidade nune’e bele  dezamina ba governante, orgaun soberanu hodi foti asaun lalais

“Espera katak Sentru ida ne’e mos bele halo halo koperasaun diak ho Centru Integradu Jestaun Krise (CIJK]) ne’ebe governu estabele ona atu partilha imformasaun diak. Espera katak menbru FONGTIL tomak bele utuliza fatin ida ne’e ho diak no komunidade ne’e presisa uja forum ida ne’e  ho diak ita bele kaer liman hamutuk nune’e bele kombate, prevene moras Corona Virus labele daet iha ita nia komunidade,” dehan Kordenador Apoio Sosiedade Civil Filipe da Costa.

CIIC-19 sei existe durante fulan ida nia laran no sei hato’o informasaun ba publik iha loron tersa no sexta. Informasuan sira sei mai hosi membru FONGTIL nian mak halo monitorizasaun ba impaktu hosi COVID-19.

Print Friendly, PDF & Email

LEAVE A REPLY

Please enter your comment!
Please enter your name here